POP 5

Lajmet më të lexuara të 5 minutave të fundit

Kronikë

Vrasja e policit, Gjykata Kushtetuese lë në fuqi dënimin e Dritan Rexhepit! Bosi i drogës ekzekutoi Durim Kasmin në Krujë në 1999

Bosi i trafikut ndërkombëtar të kokainës, Dritan Rexhepi ka humbur betejën me shtetin shqiptar pasi gjykata kushtetuese la në fuqi përfundimisht dënimin me 25 vjet burg ndaj tij për vrasjen e policit Durim Kasmi në vitin 1999 në Krujë. Vendimi i 11 dhjetorit 2023, pritet të favorizojë kërkesën që Shqipëria ka dërguar në Turqi për ekstradimin e Gramoz Rexhepit në Tiranë

Shqipëria ka një tjetër gur të fortë në dorë për ekstradimin nga Turqia të bosit të trafikut të kokainës Dritan Rexhepi, pasi Gjykata Kushtetuese la në fuqi përfundimisht dënimin e tij me 25 vjet burg. Vendimi i dhënë më 11 dhjetor 2023, lidhet me fajësinë e 43-vjeçarit për vrasjen e policit Durim Kasmi në vitin 1999 në qendër të Krujës dhe plagosjen e Ramazan Bakiut, me pasojë vdekjen disa ditë më pas.

Më 22 nëntor, vendi ynë ka përcjellë në Turqi kërkesën për ekstradimin e Dritan Rexhepit, pas arrestimit të tij në Stamboll më 10 nëntor 2023. Krahas Shqipërisë, në garë për ekstradimin e Dritan Rexhepit është edhe drejtësia Italiane, pasi gjykata e Firences e ka dënuar më 20 vjet burg për akuzën e trafikimit të kokainës nga Ekuadori në vendin fqinj. Në këtë mënyrë, dënimi më i rëndë për personazhin e konsideruar si bos i trafikut ndërkombëtar të kokainës, rezulton të jetë dhënë nga Shqipëria.

Megjithatë do të jenë autoritetet turke që do të shqyrtojë kërkesat për ekstradim dhe do të përcaktojnë shtetin të cilit do t`ia dorëzojnë të shumëkërkuarin.

Vendimi i 11 dhjetorit 2023 i Gjykatës Kushtetuese, që lë në fuqi dënimin me 25 vjet burg ndaj Gramoz Rexhepit, ka ardhur pas një kalvari të gjatë që i ka kaluar të gjitha shkallët e gjyqësorit shqiptar. I pandehuri që u gjykua në mungesë pasi u arratis nga policia e Durrësit në vitin 2007 dhe humbi gjurmët, ishte dënuar fillimisht me burgim të përjetshëm më 20 shkurt 2009, por si pasojë e ankimimit nga avokatët, çështja u kthye për rigjykim.

Pasi ri-shqyrtoi dosjen, gjykata e krimeve të rënda vendosi dënimin e Gramoz Rexhepit më 25 vjet heqje lirie në mungesë. Edhe pse në kërkim, bosi i trafikut të drogës e ankimoi vendimin në Gjykatën e Apelit, në Gjykatën e Lartë e madje edhe në Kushtetuese.

Në vendimin e saj të parë, trupa gjykuese e ktheu çështjen për rigjykim në Gjykatën e Lartë por pasi rekursi nuk u pranua aty, dosja kaloi sërish në Kushtetuese ku më 13 dhjetor 2023, u la në fuqi dënimi me 25 vjet burg. Sipas prokurorisë, vrasjen e policit Durim Kasmi, Dritan Rexhepi e kreu për hakmarrje pasi efektivi kishte goditur një nga miqtë e tij i cili kishte xhiruar gomat e makinës para komisariatit të policisë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Krutani: 08/01/2024 08:22

    Po ku krahasohej Dritan Redhepi me Dur Kasmin e Ben Keqin , po i vran pabesisht !

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça