POP 5

Lajmet më të lexuara të 5 minutave të fundit

Kronikë

Vrasja e rapsodit dhe mikut të tij në Lezhë, dënohet me burgim të përjetshëm Aleksandër Përdoda

Në të njëjtën datë, por dy vite më vonë, për vrasjen e rapsodit Kol Murrani dhe mikut të tij, Preng Simoni, sot është një i dënuar! Ai është Aleksandër Përdoda, për të cilin gjykata e Lezhës e ka dënuar me burgim të përjetshëm, për vrasjen e dyfishtë në 27 prill, 2020.

LEZHË- Në të njëjtën datë, por dy vite më vonë, për vrasjen e rapsodit Kol Murrani dhe mikut të tij, Preng Simoni, sot është një i dënuar! Ai është Aleksandër Përdoda, për të cilin gjykata e Lezhës e ka dënuar me burgim të përjetshëm, për vrasjen e dyfishtë në 27 prill 2020.

Gazetari i Report Tv, Elvis Hila raporton se Aleksandër Përdoda, akuzohet se së bashku me vëllanë e tij, Edmond Përdoda kanë kryer vrasjen. Ky i fundit ka autorësinë, teksa Aleksandër Përdoda ka mohuar të ketë pasur lidhje, megjithatë pavarësisht pretendimeve të tij, Gjykata e Lezhës e dënoi si të fajshëm.

Ndërsa përsoni tjeter i cili u arrestua pak javë pas ngjarjes, Agron Lushi mori pafajësinë. Ndaj tij prokuroria kishte kërkuar dënimin me 3 vite burg për vepren penale "Moskallëzim Krimi", por gjykata doli në konkluzionin se ai nuk e ka konsumuar këtë vepër penale. Ndërkohë vendimi me burgim të përjetshëm për Aleksander Përdodën mësohet se është kundërshtuar nga avokatja e të pandehurit Shaqe Marinaj. Ajo pretendon se nuk klienti i saj nuk ka lidhje dhe nuk ka asnjë provë që e implikon në këtë ngjarje, duke paralajmeruar apelimin e vendimit në Gjykatën e Apelit në Shkodër.
Si ndodhi ngjarja?
Rapsodi Kol Murrani dhe miku i tij Preng Simoni u gjeten të vrarë me armë zjarri më 27 prill të vitit 2020, pranë shtëpive të tyre të vjetra në fshatin Lalm i Vjetër, të Njësisë Administrative të Kolshit. Ata kishin shkuar në vendlindje që prej orëve të mëngjesit të asaj dite, por u përballën me persona të armatosur që kishin mbjellë kanabis në tokat e tyre. Pa pasur dijeni për atë se çfarë ndodhte në tokat e tyre në zonën e thellë malore, Aleksandër Përdoda dhe Edmond Përdoda, i kanë qëlluar me armë sapo dy shokët kanë zbuluar veprimtarinë e tij kriminale. Trupat e viktimave janë lënë në pyll për rreth 5 orë dhe janë gjetur nga djali i Preng Simonit, që kishte dalë të kërkonte babanë me të cilin kishte humbur çdo kontakt prej orësh të tëra. 

Ai i ka gjetur pa shenja jete rreth orës 16:00 të datës 27 prill të vitit 2020, ndërsa ekzekutimi i tyre mendohet të jetë kryer rreth mesditës. Murrani dhe Simoni banonin në periferi të qytetit të Lezhës dhe ditën e ngjarjes, në 27 prill 2020, kishin dalë herët në mëngjes me motor, për të shkuar te shtëpitë e vjetra që kanë në fshatin Lalm i Vjetër. Pasi kanë ngarkuar një thes me jonxhë, dy burrat kanë vendosur të kthehen në Lezhë, por rrugës janë qëlluar befasisht me armë zjarri nga Aleksandër Përdoda dhe vëllai i tij Edmond Përdoda. Për shkak të terrenit të thyer malor dhe mungesës së infrastrukturës së rrugës, Policisë i është dashur 60 minuta për të mbërritur në vendin e ngjarjes, ku ndodheshin viktimat.

2 viktimat, Kol Murani dhe Preng Simoni

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aleks: 28/04/2022 10:01

    Për mua këta duhen ekzekutuar në mes të Lezhës, janë familje që gjithë jetën e tyre se kanë fshirë ballin por vetëm me poshtërsira janë marrë. Mos e ushqe vrasësin por të marrë atë që i takon.

    Përgjigju
  • Dona: 27/04/2022 21:51

    Keta duhen varur. .denimi me burgim te perjetshem eshte asgje per ta....

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Parashikimi i motit, e enjte, 26 dhjetor

Parashikimi i motit, e enjte, 26 dhjetor

26 Dhjetor, 07:43