Vrasja në Shkodër, pas sherrit i riu u ngjit në banesë, mori armën dhe qëlloi nga kati i dytë

Report Tv zbardh detaje të reja nga vrasja mbrëmë në Shkodër. Stjuart Smakaj ka qëlluar nga kati i dytë i banesës në lagjen "Danjel Matlija". Burime pranë grupit hetimor të policisë së Shkodrës bëjnë me dije se në vendin ku ka qëlluar 23-vjecari, janë gjetur 18 gëzhoja automatiku dhe ai ka qëlluar nga kati i dytë i pallatit.

Pas debatit verbal, ai i ka kërcënuar se do te vriste objektivin, është ngjitur në banesë dhe ka marrë armën duke qëlluar nga kati i dytë i pallatit. Objektivi është larguar me shpejtësi ndërkohë që viktima Gledis Kraja, ka qenë në mjetin tip Ford.

Predhat e armës kanë shpuar pjesën e sipërme të mjetit dhe Kraja ka marrë plagë në shpatull por plumbi ka prekur edhe organet jetësore ku ka humbur jetën në spital. Në pjesën e sipërme të makinës janë gjendur 8 vrima plumbash. Stjuart Smakaj 23 vjec ka pranuar vrasjen. Nga ana tjeter vijon te jete ne kerkim vellai i tij Sebastian Smakaj 29 vjec. Autori dhe viktima ishin shoke te ngushte me njeri tjetrin. 

Lajmi kryesor:

Vrasja për mobiliet në Shkodër, shënjestra shpëtoi, kapet i riu që vrau aksidentalisht shokun e ngushtë, në kërkim vëllai kampion i Taekwondo-s

TAG:
• vrasja ne shkoder
• gledis kraja
• Sebastian Smakaj
• Stjuart Smakaj