Vrasja për borxhin në Shkodër
policia arreston vëllain e autorit
VD/I gjenden armë e kanabis në banesë

SHKODER - I gjenden në banesë drogë dhe armë, arrestohet nga policia vëllai i autorit të vrasjes së Angjelin Shkamit javën e kaluar në Shkodër. Policia ishte në kërkim të autorit të vrasjes Artur Koçeku dhe ushtroi kontrolle në banesën e tij në fshatin Grude e Re, por vuri në pranga Klaudio Koçekun, 25 vjeç, banues në fshatin Grude e Re, Shkodër, vëllai i autorit të ngjarjes.

Të riu iu gjetën dhe sekuestruan në cilësinë e provës një arsenal armësh si katër armë automatike, çifte e pushkë snajper si dhe 141 kg lëndë narkotike e llojit kanabis. 

Më konkretisht, 25-vjeçarit iu sekuestruan në banesë:

4 (katër) automatik model 56,

1 (një) Çifte, 

1 (një) pushkë snajper me dy fishekë, 

6 (gjashtë) krëhëra me fishekë model 56, 

1 (një) shkop gome 

2 (dy) palë pranga policie, 

1 (një) silinciator, 

1 (një) thikë dhe 60 fisheke çifte 12 mm, 

1 (një) peshore, 

10 (dhjetë) fishekë model 54, ku sipas informacioneve policore dyshohen të jenë përdorur për ngjarje kriminale të tjera të cilat do ti nënshtrohen egzaminimit balistik. 

Materialet iu referuan në Prokurorinë e Rrethit Gjyqësor në ngarkim të shtetasit Klaudio Koçeku për veprat penale të “Prodhimi dhe shitja e narkotikëve” “Mbajtja pa leje dhe prodhimi i armëve, armëve shpërthyese dhe i municionit” “Prodhimi, mbajtja, blerja apo shitja pa leje e armëve të ftohta” e “Prodhimi dhe mbajtja pa leje e armëve të gjuetisë dhe sportive” parashikuara nga nenet 283, 278, 279, e 280 të Kodit Penal.


(Armët e sekuestruara në banesën e Koçekut)


(Droga e sekuestruar në banesë)

Artur Koçeku ekzekutoi të dielën e kaluar Angjeli Shkamin, 32-vjeç, pranë varrezave të fshatit Golem në periferi të Shkodrës. Viktima ishte një emër i njohur për policinë pasi disa muaj më parë kishte rënë në pranga për kultivim kanabisi. Me vendim të Gjykatës së Apelit, ai ishte lënë në arrest shtëpie, por të dielën e kishte thyer atë dhe për rrjedhojë iu bë atentat nga Koçeku për shkak të një borxhi. Artan Koçeku i kishte dhënë disa vite më parë, 30 mijë euro borxh shtetasit Angjelin Shkami, por ky i fundit nuk ia kishte kthyer.    

Redaksia Online
l.q/Shqiptarja.com

/Shqiptarja.com