Atentat në Fier/ Ekzekutohet 41 vjeçari Elton Javori, në kërkim ekzekutori! Foto ekskluzive të autorit e makinës me të cilën u largua! (EMRAT)

Kamerat e sigurisë kanë regjistruar një moment ku mendohet se është momenti i vrasjes së Elton Javorit.

Mendohet se ai është qëlluar nga makina në makinë.

Policia ka identifikuar si autor të krimit Agim Gashin. Ai është vrarë teska ishte në lëvizje me makinën e tij në lagjen ‘16 prilli’ ne Fier gati 100 – 200 metra larg shtëpisë së viktimës.

Pasi qëlloi autori largohet po me makinë pa ndaluar fare ndërsa viktima bën dhe disa metra po me makinë.

(Foto: Momenti nga vrasja e Elton Javorit)

Report Tv ka siguruar foton e Agim Gashit, autorit të vrasjes së 41 vjeçarit Elton Javori paraditen e sotme në lagjen “16 prilli” të Fierit. Policia vijon kontrollet në akse të ndryshme të vendit për të bërë të mundur kapjen e 35 vjeçarit i cili u largua menjëherë pasi ekzekutoi me armë zjarri Javorin.

Gazetari i Report Tv, Sokol Dema siguron foto të makinës me të cilën u largua autori i vrasjes së Elton Javorit. Vrasja ndodhi rreth orës 11:00 në lagjen  ‘16 prilli’ në Fier.

Makina është tip benz "E class coupe' me targa shqiptare e prodhimit pas vitit 2011 me ngjyrë të errët. Vlera në treg e kësaj makine është 12- 15 mijë euro

Policia thotë se ka identifikuar autorin dhe po punon për arrestimin e tij

Detaje të reja lidhur me vrasjen e ndodhur në lagjen “16 prilli’ në qytetin e Fierit.
Report Tv mëson nga burime nga grupi hetimor se ngjarja dyshohet se ka ndodhur për motive të dobëta

41 vjeçari dyshohet se u vra me pistoletë pas një krushqie të prishur.

Një prej banorëve të lagjes “16 prilli” në Fier ka folur për mediat pas vrasjes së 41 vjeçarit Elton Javori në Fier. Ai tha se i ndjeri banonte 100 metra larg vendit ku mbeti i vrarë.

Ndërsa zbulon se në momentin që dëgjoi krismat doli me shpejtësi nga kafja ku po hynte.

“Ka qenë djalë i mrekullueshëm, i edukuar dhe i sjellshëm. Ka babanë e nënën këtu, vëllezërit i ka në Gjermani. Nga erdhi kjo, Zoti e di. Sa dola nga shtëpia, u futa të pija kafe, dola me vrap”- u shpreh banori.

Drejtori i Përgjithshëm i Policisë së Shtetit Muhamet Rrumbullaku deklaroi se autori ëshë identifikuar dhe po punohet për sqarimin e rrethanave të ngjarjes.

Kemi marrë njoftim, aktualisht grupi hetimor po kryen veprimet. Janë marrë masat për kapjen, e kemi të identifikuar, po punohet për sqarimin e rrethanave që kanë çuar në këtë krim të rëndë" tha Rrumbullaku në një konferencë për median mbi rezultatet e megaoperacionit kombëtar të koduar “Sundimi i ligjit”, për goditjen e rasteve të organizimit të kundërligjshëm të lojërave të fatit.

Policia e Vlorës ka ngritur postoblloqe në hyrje të autostradës për kapjen e autorit të vrasjes së 41 vjeçarit Erjon Javori në lagjen “16 prilli” të Fierit.

Mësohet se autori i ngjarjes është identifikuar nga policia dhe për kapjen e tij janë ngritur pika kontrolle në zona të ndryshme. Deri më tani dihet se autori është banues në Fier.

Policia jep informacion lidhur me vrasjen në Fier. Viktima është Elton Javori. 

Fier/Informacion paraprak

Rreth orës 11:00, në lagjen "16 prilli", është vrarë me armë zjarri shtetasi E. J., 41 vjeç, banues në Fier.

Shërbimet e Policisë, sapo kanë marrë njoftim, kanë shkuar menjëherë në vendngjarje, kanë identifikuar autorin dhe po punojnë për kapjen e tij.

Janë ngritur pika kontrolli në çdo aks rrugor, si dhe vijon intensivisht krehja e zonës.

Ndërkaq, grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe kapjen e autorit.