Vrasjet politike, Konjufca: Nuk mund të inkriminohet UÇK kur nuk ka fakte e dëshmi

Ndërkohë që në aktakuzën e publikuar ndaj ish-drejtuesve të UÇK-së janë përfshirë disa vrasje të figurave politike, ish ministri i jashtëm, Glauk Konjufca nuk e pranon përfshirjen e ushtrisë në këto ngjarje.

Në emisionin "5 pyetjet nga Babaramo" ai deklaroi se nuk ka fakte që të inkriminojnë UÇK-në në këto ngjarje. Ai shprehet se nuk mund të bëhet përgjegjëse UÇK-a për 30 vrasje të figurave politike kur nuk ka asnjë fakt të vërtetuar.

"Ne e dimë që në Kosovë, edhe gjatë 1998-99 dhe më pas kanë ndodhur disa vrasje që janë të karakterit politik. Meqënëse janë vrarë në këtë aksione të organizuara, figura publike. Vetëvendosja e ka ngritur gjithmonë zërin. Nuk duhet të përzihet lufta jonë çlirimtare me këto vrasje politike. Askush nuk guxon ta thotë. Nuk guxojmë të mashtrojnë deri në këtë pikë që të themi se ky ishte synimi i UÇK-së. Për të gjithë këto vrasje të pretenduara, duhet që të ketë fakte të qarta, dëshmi. Nuk mund të thuhet që 30 vrasje që janë bërë gjatë kësaj periudhe, që për to është përgjegjëse UÇK-ja" - tha Konjufca.

LEXO EDHE:
Serbia ndalon një kosovar nën dyshime për krime lufte

Lajmi kryesor:

Akuzat ndaj ish-drejtuesve të UÇK-së, Konjufca: Është politike! Nuk hetohen veprimet individuale, tentohet të njolloset lufta për liri! Qeveria kosovare mos të bëjë sehir

E.M./r.k./Shqiptarja.com

TAG:
• hashim thaci
• uck
• gjykata e hages
• Glauk Konjufca