POP 5

Lajmet më të lexuara të 5 minutave të fundit

Kronikë

Vrau 4 policët..dhe Dritan Dajti do i
duhen 4 jetë për të shlyer dënimin

Pas një kalvari të gjatë seancash gjyqësore, në seancën e 276 Dritan Dajti i akuzuar për vrasjen e katër policëve në 7 gusht 2009 në Durrës, është dënuar me katër burgime përjetë për vrasjen e 4 policëve dhe armëmbajtjes pa lejë. E vetmja akuzë për të cilën Dajti mori pafajësi është ajo e vrasjes së Ledion Marrës, shokut të tij.
Vrau 4 policët..dhe Dritan Dajti do i<br />duhen 4 jetë për të shlyer dënimin
TIRANE - Pas një kalvari të gjatë seancash gjyqësore, në seancën e 276 Dritan Dajti i akuzuar për vrasjen e katër policëve në 7 gusht 2009 në Durrës, është dënuar me katër burgime përjetë për vrasjen e 4 policëve dhe armëmbajtjes pa lejë. E vetmja akuzë për të cilën Dajti mori pafajësi është ajo e vrasjes së Ledion Marrës, shokut të tij, që sipas gjykatës nuk provohet nga prokuroria. Vendimin e lexuar nga gjyqtari Idriz Mulkurti, Dajti e ka ndjekur me buzëqeshje dhe tundjen e kokës.

Ai nuk kishte preferuar të ishte prezent në sallën e gjyqit, por gjykata më herët kishte urdhëruar që i pandehuri të shoqërohej forcërisht nga gardianët e burgut 313 në Tiranë dhe të transportohej në gjyq. Më herët para se të shpallej vendimi kryetari i Byrosë që mbron interesat e të burgosurve shqiptarë, Sokol Koçiu, ka reaguar duke pohuar se është e padrejtë që gjykata të marrë vendimin dhe të shoqërojë me forcë nga qelia për në sallën e gjyqit Dritan Dajtin. Sipas tij, shoqërimi i tij është kryer pas bërjes së një injeksioni në trup, që i ka dobësuar muskujt me qëllim që të mos kundërshtonte me forcë policët që ishin ngarkuar për shoqërimin e Dajtit në sallën e gjyqit.

Katër jetë në burg
Nëse vendimi i djeshëm do të lihet në fuqi nga Apeli dhe më pas nga Gjykata e Lartë, Dritan Dajtit do t’i duhen 4 jetë për të shlyer dënimin e dhënë nga drejtësia shqiptare. Gjyqtari Mulkurti, teksa ka lexuar vendimin ka shpallur fajtor Dajtin, për katër vrasjen e policëve duke përfshirë atë të Fatos Xhanit, Kastriot Feskajt, Sajmir Duçkollarit dhe Altin Dizdarit. Të katër efektivët e policisë së bashku me 12 kolegët e tyre të Grupit të Operacioneve Speciale mesditën e 7 gushtit 2009 kanë shkuar në Durrës për të arrestuar personin e shpallur në kërkim Dritan Dajtin.

Ky i fundit duket se në atë kohë është sinjalizuar nga dikush, dhe ka marrë masa duke qëlluar me dy armë zjarri pistoletë në drejtim të policëve që kryen rrethimin e parë për arrestikmin e Dritan Dajtit. Si pasojë e kësaj përplasje me armë, kanë mbetur të vdekur në vend katër policët e sipërcituar, ndërkohë që është plagosur dhe Dritan Dajti në tentativë për të ikur. Mes të shtënave ka mbetur i vdekur dhe shoku i Dajtit, Ledjon Marra, për vrasjen e të cilit prokuroria akuzoi Dajtin. Ndërkohë ky i fundit akuzoi efektivët e policisë së Shtetit. Por në fund gjykata vendosi të shpallë të pafajshëm Dajtin për këtë vrasje.

Përgjimi i numrit
Në dëshminë e dhënë para gjykatës, shefi i “GOS” Arjan Muça ka deklaruar se falë informacioneve operative kishin gjetur numrin që përdorte Dritan Dajti dhe menjëherë kanë kërkuar vënien në përgjim të tij. Kjo kërkesë sipas tij është bërë tek shefat e asaj kohe të policisë, por në fakt nuk u morr asnjë masë për vënien në përgjim të numrit. Po kush është personi që refuzoi të vinte në përgjim Dritan Dajtin në operacionin e 7 Gushtit 2009 dhe që tradhtoi efektivët e policies? Sot e kësaj dite nuk dihet dhe se ka nevojë për hetim nga ana e prokurorisë dhe vetë Policisë së Shtetit për të gjetur zyrtarin që ka penguar vënien në përgjim të Dritan Dajtit.

Shkrimi u botua në Shqiptarja.com (print) në 24 Korrik 2014

Redaksia Online
(d.a/shqiptarja.com) 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01