POP 5

Lajmet më të lexuara të 5 minutave të fundit

Bota

Vrau 51 persona, Zelanda e Re jep dënimin e parë përjetë për terrorizëm

Drejtësia në Zelandën e re ka dhënë dënimin e parë në historinë e saj të burgimit të përjetshëm. Akti terrorist i marsit 2019 me 51 viktima dhe 40 të plagosur në dy xhami mbyllet me vendimin e gjykatës për burg përjetë ndaj 29-vjeçarit Brenton Tarrant, i cili nuk ka mundësi për apelim.

Burgim i përjetshëm pa të drejtë apelimi, është ky vendimi i marrë nga një Gjykatë e Zelandës së Re për Brenton Tarrant, 29-vjeçarin që vrau 51 persona në sulmet në dy xhami në Mars të 2019.  Tarrant është i pari person në historinë e Zelandës së Re që merr një dënim të tillë.

Gjatë seancave gjyqësore të mbajtura ditët e fundit, australiani e pranoi vrasjen e 51 personave,  vrasjen e mbetur në tentativë të 40 personave të tjerë dhe akuzën për terrorizëm. Gjykatësi i çështjes i quajti veprimet e tij "çnjerëzore" dhe tha se nuk kishte treguar mëshirë ndaj tij.

Gjykatësi Cameron Mander u shpreh se edhe pse do të jetë në burg gjithë jetën, ky dënim nuk është i mjaftueshëm për krimet e tij. 

Kryeministri e Zelandës së Re, Jacinda Ardern, pasi dëgjoi dënimin për Tarrant, u shpreh se "tani e tutje nuk kemi pse të mendojmë ose të dëgjojmë më për të".

Në ditën e fundit të seancave dëgjimore katër-ditore, Tarrant nuk u shfaq "as i penduar dhe as i turpëruar", për veprimet e tij. 

Sulmi  i Tarrant në marsin e kaluar, i shpërndarë live në Facebook, tronditi botën.  Në sulmet e 15 Marsit Tarrant, vrau 51 persona dhe plagosi 40 të tjerë në dy xhami, në kohën kur ata po kryenin lutjet e së premtes. Gjatë dëgjesave të fundit, Tarrant u shpreh se kishte planifikuar të sulmonte edhe një xhami tjetër, por ishte ndaluar nga oficerët gjatë rrugës./ Përgatiti Suada Mehmetaj

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29