Vrau dy komisionerë në zgjedhjet e ‘97-ës, kapet në Tiranë 47-vjeçari, i sekuestrohen edhe 20 mijë dollarë! Si u përpoq t'i ikte policisë...

TIRANE- Kastriot Fejzo, 49 vjeç është arrestuar ditën e sotme në Bulevardin 'Dëshmorët e Kombit' në kryeqytet pasi ishte shpallur në kërkim për një vrasjen e dy komisionerëve zgjedhorë të Partisë Socialiste në vitin 1997. Lidhur me këtë ngjarje ai ishte dënuar me 17 vjet e 6 muaj e 24 ditë burgim.

Në momentin e ndalimit ai është prezantuar me gjeneralitetet e kushëririt të tij, por pas shoqërimit në komisariat ka rezultuar se ishte personi i shpallur në kërkim.

Atij i janë gjetur dhe sekuestruar 20 mijë dollarë amerikan dhe 2 milionë lekë, që sipas policisë ishin të përfituara në mënyrë jo të ligjshme.

Fejzo kërkohej prej kohësh nga Interpoli për vrasjen e dy komisionerëve zgjedhorë në Ersekë Nako Skupra dhe Ilirjan Arapi. Ngjarja e rëndë u shënua në 29 qershor të 1997 në Ersekë ku 43 vjecari ekzekutoi komisonerët e Partisë Socialiste në momentin e transportimit të kutive të votimit në bashkinë e këtij qyteti. Gjatë kësaj ngjarje mbetën të plagosur edhe shtetasit Taqo Skupra, Alfred Shehu, Kastriot Zenollari, Arben Arapi plagosur edhe Shaban Koxhaj.

Për ngjarjen e 29 qershorit 1997 në Ersekë akuzohen 7 persona. Nga këta 4 janë arrestuar, kurse tre të tjerë dyshohen se fshihen në Angli. Tre personat që dyshohet se fshihen në Angli janë Hysni Dervishi, Roland Hasani dhe Spartak Sageri.

TAG:
• shqiponja
• Kastriot Fejzo