POP 5

Lajmet më të lexuara të 5 minutave të fundit

Kronikë

Vrau Egli Progën, e kaluara e errët e Denis Meçes! Me precedentë penalë për plagosje e kundërshtim të forcave të policisë

Denis Meçe i arrestuar si autor i vrasjes së Egli Progës në qytetin e Pogradecit, nuk ka qënë i panjohur për blutë e qytetit liqenor.

Vrau Egli Progën, e kaluara e errët e Denis Meçes! Me precedentë penalë për plagosje e kundërshtim të forcave të policisë

Denis Meçe dhe viktima Egli Proga në vendin e ngjarjes

Korçë- Denis Meçe i arrestuar si autor i vrasjes së Egli Progës në qytetin e Pogradecit, nuk ka qënë i panjohur për blutë e qytetit liqenor. Burime zyrtare nga policia e bëjnë të ditur se 29-vjeçari Meçe ka pasur precedente të mëhërshme penale, kryesisht në veprat penale që cënojnë rendin dhe sigurinë publike, ndër to dhe plagosje të shtetasve të tjerë apo edhe kundërshtim të forcave të policisë.

Edhe për vetë banorët e Pogradecit, ky shtetas është njohur si person tepër problematik, i cili merrej me veprimtari të dyshimta dhe kishte shpesh hërë sjellje agresive në qytet. 
Gjatë viteve 2014, 2016 dhe 2020 shtetasi Denis Meçe rezulton i proçeduar disa herë nga policia, por sipas të dhënave ai asnjëhërë nuk është dënuar nga gjykata, ndërsa 29-vjeçari ka arritur të shpëtojë nga procedimet penale. 

Ndërkohë prej 11 gushtit 2024 ndodhet i arrestuar pasi akuzohet se vrau Eglantin Progën (emri i shkurtuar Egli). Prokuroria e akuzon për 'vrasje nga pakujdesia' , që nënkupton një masë dënimi më të ulët sesa vepra penale që kishte referuar dosjen policia 'vrasje me dashje' 

Për ti shpëtuar 'arrestit me burg' Meçe ofroi 10 milionë lekë të vjetra garanci për të ndryshuar masën e sigurisë në 'arrest shtëpie' por gjykata e Korçës refuzoi.

Gjithashtu për t’i shpëtuar qelisë Meçe dhe avokati i tij pretendoi se Meçe nuk i është arratisur për disa orë policisë, por duke qenë se ishte në gjendje të dehur, është larguar nga vendi i krimit,  ka fjetur në makinë e kur është përmendur ka shkuar në polici.

 Në vendimin e gjyqtares Luljeta Kole, i siguruar nga Report Tv, thuhet se ai i kërkoi falje edhe familjes, por në dëshminë e dhënë menjëherë pas dorëzimit thotë se donte ta qëllonte thjesht me një shpullë viktimën e tij pasi e kishte sharë, edhe pse në dosje evidentohen qartë shenja dhune në trupin e 42-vjeçarit.

Nga ana tjetër në dosje evidentohet edhe fakti se dhuna konfirmohet edhe nga një përgjim ambiental që i është bërë dëshmitarëve Leonidha Guce dhe Arian Manellari, të cilët pyesin të shqetësuar njëri tjetrin se si ka mundësi që Eglantini ndërroi jetë nga një grusht, ndërkohë që në polici kishin deklaruar se nuk e kishin parë ngjarjen.

Ngjarja e rëndë e ndodhur pasditen e së shtunës së datës 10 gusht në Pogradec tronditi opinionin publik dhe solli një varg reagimesh deri në instancat më të larta të politikës dhe shtetit. Opozita akuzoi për fshehje të ngjarjes dhe mbështetje të autorëve të krimit, ndërsa akuza u hodhën edhe për mosreagim të shpejtë edhe të urgjencës.

Akuzat u kundërshtuan ashpër nga policia e shtetit dhe Urgjenca Kombëtare, ndërsa vetë Kryeministri Rama akuzoi për dezinformim të qëllimshëm dhe përdorje politike të një vdekjeje tragjike. Teksa lavdëroi punën e uniformave blu dhe mjekëve, Kryeministri shkroi se e mirëkupton indinjatën dhe skandalizimin me veprimet e prokurorisë e cila akuzën për vrasje me dashje e bëri vrasje nga pakujdesia.

Vetë Prokuroria topin tentoi t’ia kalojë policisë kur tha se aq ishin provat paraprake, ndërsa vetë gjykata shpjegoi se në këtë moment ajo s’mund të bënte asgjë përveçse të pranonte kërkesën e organit të akuzës. Për këto veprime në institucionet e drejtësisë në Korçë, Inspektori i Lartë i Drejtësisë në Tiranë ka nisur verifikimet, pasi ka kërkuar të gjithë procedurat dhe veprimet hetimore.

Në të gjithë këtë përplasje me akuza dhe kundërakuza, ku është folur deri edhe për vrasje për gjobëvënie, ajo që është domosdoshmëri është zbardhja sa më shpejt e ngjarjes tronditëse. Familja e babait të 2 fëmijëve apelon vetëm për drejtësi.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pena: 16/08/2024 12:39

    SA te jete ne dritare Nongrata duke mbajtur fjalim, keta llumra keshtu do te bejne,Nongrata eshte frymezim per antishtet dhe antiligj ne te gjithe vendin.

    Përgjigju
  • lomi: 16/08/2024 00:11

    KY QEN DUHET VARUR ATY NE BURG NGA TE BURGOSURIT.....

    Përgjigju
  • Lushnja: 15/08/2024 21:04

    Jeni dakord me vrasje nga pakujdesia........ Po pse te gjithe komentuesit ishin deshmitar e okulare?

    Përgjigju
  • Une: 15/08/2024 17:30

    Patronazhist

    Përgjigju
  • Tirana: 15/08/2024 16:41

    Mbrojtja qe i beri policia dhe kryeministri tregon kapjen e shtetit 100% nga mafia e vendit dhe e huaj

    Përgjigju
  • Ops: 15/08/2024 15:53

    Rilindas ...............................

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

BE-ja shpreson për progres në integrimin e serbëve pas zgjedhjeve në Kosovë

BE-ja shpreson për progres në integrimin e serbëve pas zgjedhjeve në Kosovë

21 Dhjetor, 16:47