Vuçiç: Kurti i vendosur kundër Asociacionit, është inkurajuar nga vendimi për liberalizimin e vizave me BE! Nuk nënshkruaj kapitullimin

Presidenti i Serbisë, Aleksandër Vuçiç tha se kryeministri i Kosovës, Albin Kurti është i vendosur për të mos themeluar Asociacionin dhe shtoi se vendimi i ministrave të brendshëm të vendeve anëtare të BE-së për t’i liberalizuar vizat me Kosovën e inkurajon Kurtin në veprimet e tij.

Sa i takon takimit që do të ketë me të dërguarin e Posaçëm, Miroslav Lajçak, Vuçiç tha se do të ketë një takim dhe shtoi se do të tentojë të ketë një progres megjithëse u shpreh skeptik.

“Kurti është i vendosur që të mos e themelojë Asociacionin. Liberalizimi i vizave është inkurajim për Kurtin. Lajcak do të jetë në Beograd të hënën dhe ne do të tentojmë që të shënojmë progresim për normalizimin e marrëdhënieve. Do ta kem një takim gjysëm orësh, dhe pastaj de-fakto do të jem me të për dy ditë për ta gjetur një zgjidhje”, deklaroi Vuçiç.

LEXO EDHE:
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë

Mes të tjerash, ai tha se nuk do të pranojë anëtarësimin e Kosovës në Organizatën e Kombeve të Bashkuara dhe as nuk do të njohë pavarësinë e saj. Presidenti serb tha se nuk do të ndodhë kurrë që ai të nënshkruajë kapitullimin e Serbisë.

“Nuk do të ndodh kurrë që unë ta nënshkruaj kapitullimin e Serbisë. S’do të ketë as kapitullim e as dorëzim. Në mënyrë të vendosur kam thënë para të gjitëve se Serbia nuk do të pajtohet për anëtarësimin e Kosovës në OKB, e as nuk do ta njohim pavarësinë e saj në një mënyrë apo tjetrën”, ka deklaruar ai.

Nga ana tjetër, Kurti u shpreh optimist për një marrëveshje që pritet të nënshkruhet në 18 mars, në Ohër të Maqedonisë së Veriut mes dy palëve. Edhe Lajçak tha se ishte më i vetëdijshëm mbi atë çfarë kërkon Kosova, pas takimit që kishte patur me Kurtin. 

B.V/Shqiptarja.com

TAG:
• kosova
• serbi
• aleksander vucic