Presidenti i Serbisë, Aleksandar Vuçiç, duke folur për Kosovën ka theksuar se nuk kërkon alibi e as arsyetim, por vetëm zgjidhje për të ardhmen e Serbisë.
Duke folur për televizionin Pink, ai ka thënë se në intervistën për gazetën britanike 'The Guardian' kishte theksuar se nuk është optimist, se nuk është ndonjëri që beson se do të mundë të gjejë zgjidhje, porse mendon se ekziston shpresa që të arrihet marrëveshja.
Ai ka shtuar se serbët dëshirojnë t’i prolongojnë zgjidhjet, e shtyjnë atë që iu dhemb duke llogaritur se diçka do t’iu bjerë nga qielli, por, shtoi, se kjo nuk do të ndodhë. Ka përkujtuar se serbë nuk ka më në Gjakovë, Ferizaj, Prishtinë dhe as që dëshiron të flasë për serbët në Skenderaj e Kaçanik.
Sipas tij, “dëbimi dhe lufta për Kosovën nga ana e shqiptarëve ka filluar që nga Lidhja e Parë e Prizrenit (ai e jep gabimisht vitin - 1879), vazhdoi me Lidhjen e Dytë të Prizrenit 1942, kur është formuar Lëvizja Balliste dhe është vazhduar edhe pas Lidhjes së Tretë e Prizrenit 1946 në New York, ndaj të cilave nuk kemi dhënë përgjigje adekuate”, është ankuar ai, transmeton Koha.net.
“Na munden me numra, me politikën joparimore të bashkësisë ndërkombëtare dhe të fuqive të mëdha por edhe me gjërat e politikën tonë ta pamenduar”, konstatoi Vuçiç.
Ai ka thënë se: Serbia në këtë luftë është si boksieri i cili është në gjysmë grogi pas luftës së vështirë shumë dekadëshe në të cilën i janë thyer duart e këmbët në vitin 1999, që u hendikepua edhe më shumë në vitin 2004 me pogromin dhe frikësimin e serbëve e pastaj edhe më shumë me shpalljen formale të pavarësisë, e cila, sipas tij, u bë me vendimin e bashkësisë ndërkombëtare. Kjo ka ndodhur, sipas tij, në kohën kur në Serbi ishte një pushtet i brishtë e i përçarë.
“Pastaj u nisëm në të ashtuquajturën ofensivë të madhe në vitin 2010. Me Gjykatën Ndërkombëtare të Drejtësisë e gënjyem popullin për diplomacinë në avull ashtu që vetë në zarfin me letër për pavarësinë e Kosovës e vumë vulën dhe dyllin, e vulosëm me fajin tonë pavarësinë, teksa e dinim se do të humbnim të gjitha, sepse vendosnin gjykatësit e vendeve që e kishin njohur shpalljen e njëanshme të pavarësisë. Edhe i çmenduri e i verbri do ta kishte të ditur që më parë rezultatin”, ka thënë ai.
Vuçiq ka shtuar se gjithmonë, si me shati në kokë, e godasin me vendimin e Gjykatës Ndërkombëtare të Drejtësisë, pasi i thonë se “çfarë duhet respektuar nëse jo këtë vendim”. Ai ka treguar se fajin për këtë e ka politika jo profesioniste dhe e papërgjegjshme e udhëhequr nga Boris Tadiç.
Ai ka thënë se gjendemi në ring me dy duart dhe dy këmbët e thyera, e kemi lidhur veten tonë dhe në gojë e në hundë kemi vënë fashë dhe nuk mund të marrim frymë e po pritet nga ne që në këtë luftë të fitojmë.
“Nuk mund të fitojmë, por duhet të përpiqemi të mbetemi në ring dhe ta ruajmë atë që mundemi. Kjo është jashtëzakonisht e vështirë”, ka thënë ai. “Nuk kërkoj alibi, as arsyetim, por zgjidhje për të ardhmen e Serbisë dhe nuk dua të arsyetohem para askujt. Dua ta bëj të rëndësishmen për Serbinë e të Kosovën”, ka thënë ai duke shtuar se problemi është se nuk do të kemi fëmijë dhe se këtu duhet marrë masa urgjente.
Komente
Lajme të tjera
-
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Protestat në Beograd kundër qeverisë, Vuçiç akuzon studentët: Po paguheni nga Perëndimi
23 Dhjetor, 08:32 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Politikani serb paralajmëron ikjen e Vuçiçit nga Serbia: Do të veprojë si Assadi
19 Dhjetor, 09:29 -
Samiti BE-Ballkani Perëndimor, Costa: Duhet të krijojmë kushtet për zgjerim, por integrimi në bazë të meritës! Von der Leyen: 300 mln euro për reformat
18 Dhjetor, 20:25 -
Dialogu/ Laçak flet pas takimeve në Bruksel: Të themelohet Asociacioni, Serbia të njohë simbolet e Kosovës
18 Dhjetor, 11:20 -
Spiunimi i BIA-s, Serbia në 'burgun digjital'
18 Dhjetor, 08:22 -
Ish-trajneri i Kosovës Bylblyl Sokoli për 'Report TV': Serbët në Tiranë do sillen si pulat, mund të fitojmë!
17 Dhjetor, 14:06
-
Amnesty International: Serbia instaloi programe spiunazhi në telefonat e dhjetëra gazetarëve e aktivistëve
16 Dhjetor, 09:32 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
Zoti President.E dini shume mire se si e keni marre Kosoven dhe trojet e tjera shqiptare qe akoma i mbani te pushtuara,asimiluara dhe i keni serbizuar me dhune.Akoma po lozni me gjakun e shqiptareve.
Përgjigju