POP 5

Lajmet më të lexuara të 5 minutave të fundit

Kronikë

Xhaçka:Probleme në Vorë, Kamëz
e Fushë Krujë,218 banesa nën ujë

Ministrja  Mbrojtjes Olta Xhaçka në një lidhje telefonike për Report Tv ka sqaruar situatën e fundit nga përmbytjet dhe operacionet jo vetëm në kryeqytet, por edhe në Fushë Krujë, Vorë dhe Kamëz, ku gjendja paraqitet më e vështirë.  VIDEO
Ministrja  Mbrojtjes Olta Xhaçka në një lidhje telefonike për Report Tv ka sqaruar situatën e fundit nga përmbytjet dhe operacionet jo vetëm në kryeqytet, por edhe në Fushë Krujë, Vorë dhe Kamëz, ku gjendja paraqitet më e vështirë.

Olta Xhaçka deklaroi se deri tani 60 familje janë evakuuar, 218 janë përmbytur në të gjithë vendin, ndërsa në gatishmëri janë 3 mijë efektivë në gatishmëri, 500 janë angazhuar. Ministrja akuzoi dy kryebashkiakët e djathtë të Kamzës dhe të Vorës për mungesë bashkëpunimi për të kapërcyer situatën e përmbytje.

Prononcimi i ministres për Report TV

Ja është bilanci i të evakuuarëve?
Situata është në zhvillim, por janë 57-60 familje në rang vendi. Situata është shqetësuese, janë 218 banesa të përmbytura. Situata është e vështirë në Fushë Krujë, Vorë, Plepa. Pritet që situata të vështirësohet në banesat që janë pranë lumenjve.

Kemi pasur koordinim të mirë, jemi të gjithë në terren. Absolutisht edhe bashkitë edhe ministritë janë në terren, i gjithë shteti është në këmbë. Për momentin kemi 3 mijë efektivë në gatishmëri, 500 janë angazhuar, të gjitha mjetet që kemi, janë në dispozicion të operacioneve.

Mjekët janë në gatishmëri. Në Valias u evakuuan 13 persona, 5 ishin fëmijë, tani janë akomoduar. Kemi një situatë te City Park, janë të bllokuar disa banorë, situata paraqitet problematike. Fatmirësisht sapo marrim informacion shumë shpejt do e zgjidhim situatën.

Jemi të gjithë në terren. Jam e shqetësuar për dy zona, në Vorë dhe në Kamëz, kryetarët e bashkive nuk i janë përgjigjur apelit për të qenë krah nesh për strukturën e ngritur. Pavarësisht se i kemi kontaktuar, u kemi shkuar edhe me polici për të komunikuar, por nuk kanë denjuar.

Cili qytet mbetet më problematik?
Zona e Fushë Krujës, kemi çuar 50 trupa, lumi Zezë ka dalë nga shtrati dhe kërcënon komunitetin atje dhe ura që e lidh Fushë Krujën me Mamurrasin është prishur dhe situata është problematike do të çojmë edhe trupa të tjerë. Edhe në Vorë situata paraqitet problematike. 

dy.b/shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Tiranë/ Mbante armë zjarri dhe municion luftarak në banesë, arrestohet një person

Tiranë/ Mbante armë zjarri dhe municion luftarak në banesë, arrestohet një person

11 Janar, 10:06