Pas një muaji agjërimi, përkushtimi dhe sakrificash, besimtarët myslimanë kremtojnë këtë të premte festën e shenjtë të Fitër Bajramit.

Një nga festat më të rëndësishme të besimit islam, Fitër Bajrami vjen si simbol i mirënjohjes, pastërtisë shpirtërore dhe shpërblimit pas muajit të shenjtë të Ramazanit.

Që në orët e para të mëngjesit, besimtarët u mblodhën në të gjitha xhamitë e Kukësit, ku morën pjesë në faljen e madhe të Fitër Bajramit, në një atmosferë të mbushur me devotshmëri, paqe dhe gëzim.

Në këtë ditë të shënuar, besimtarët përcollën urimet e tyre për më shumë shëndet, harmoni dhe begati në familjet shqiptare.

Ndërkohë, myftiu i Kukësit, Emirjon Vataj, në mesazhin e tij drejtuar besimtarëve, theksoi rëndësinë e kësaj feste si një moment reflektimi, faljeje dhe afrimi mes njerëzve.


Lajmi kryesor:

Pamjet me dron/ Mijëra besimtarë myslimanë falin namazin e Fitër Bajramit, kreu i KMSH: Lutjet tona shkojnë për ata që vuajnë