POP 5

Lajmet më të lexuara të 5 minutave të fundit

Opinion

Ylli Pata: Linçimi ndaj SHBA, si gurë prove për karrierë në opozitë

Një përrua psiqik që u vu re në disa qarqe opozitare sot pas takimit të ambasadores Yuri Kim me kreun e SPAK, Altin Dumani, rikujtoi një fenomen që është vënë re prej kohësh tashmë në këtë mjedis

Ylli Pata: Linçimi ndaj SHBA, si gurë prove për karrierë në opozitë

Ambasadorja Yuri Kim dhe kreu i SPAK Altin Dumani

Një përrua psiqik që u vu re në disa qarqe opozitare sot pas takimit të ambasadores Yuri Kim me kreun e SPAK, Altin Dumani, rikujtoi një fenomen që është vënë re prej kohësh tashmë në këtë mjedis.

Një fenomen që jo vetëm në dukje, por në thelb e logjikë është pa lidhje e absurd, i cili është vënë re në ata që mund të cilësohen si aspirant për të bërë karrierë politike pranë opozitës.

Natyrisht këta nuk janë pjesë e atyre që nuk lodhen së shkarkuari mllef në muret e faqeve të rrjeteve sociale të ambasadës, por qartësisht vihet re qëndrimi kundër SHBA e veçanërisht ambasadores Yuri Kim.

Ky fenomen, ngjan si një gur prove që aspirantët duan të kalojnë për të çarë murin e lartë e të fortë të karrierës politike në radhët e opozitës, posaçërisht pjesës që kontrollohet nga Sali Berisha.

Dhe kjo nuk është një linjë që vjen nga qëndrime individuale, pasi ka një dirigjim i pastampuar të sjelljeve që duhet të ketë një opozitar i kohëve të sotme.

Kush nuk ecën drejt kësaj linje sulmohet e linçcohet siç i ka ndodhur Adriatik Lapajt, i cili jo vetëm nuk e ka sulmuar SHBA, por ka dalë edhe foto me ambasadoren amerikane, Yuri Kim. E keni vërë re se është rralluar pjesëmarrja e tij në panelet e mediave pranë Berishës?

Sa më shumë i ashpër të jesh, aq më shumë je i pranishëm në banaqet ku thurren idetë e mëdha opozitare. 

Ylli Manjani, është pikërisht modeli i këtij fenomeni, pasi sa herë e prish gojën ndaj ambasadores apo ndonjë zyrtari të lartë perëndimor, aq herë është i kuotuar në dritaret mediatike që konsiderohen si kritike ndaj qeverisë.

E ky duket se është një vijë politike, një laborator për krijimin e një force politike që më shumë se Edi Ramën, ka armiq ambasadorët amerikanë. Arsyeja? Shumë e thjeshtë: sepse pikërisht ambasadorët e SHBA-së, janë garantuesit e fuqisë e paprekshmërisë së SPAK. Çka u pa edhe në takimin e ambasadores Yuri Kim me Altin Dumanin sot. 

Pritshmëria e publikut natyrisht është e madhe dhe frustrimi si pasoje e mos goditjes së “Pandëshkueshmërisë së zyrtarëve të korruptuar”.  

Megjithatë siç u pa qartë në komunikatën për shtyp të ambasadës së SHBA, ambasadorja Yuri Kim ka shprehur se si në rastin e Arben Krajës, edhe sot, SHBA do të vijojë të mbështesë SPAK, por hetimet i bëjnë vetë në mënyrë të pavarur prokurorët.

E pikërisht “partia antiamerikane” ka synim të frikësojë e ndikojë prokurorët për të mos avancuar me “peshkaqenët”. E nuk është se deri tani nuk ja ka dalë…

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Lezhës, PS përmbys rezultatin dhe merr 4 mandate deputetësh

Sondazhi i Lezhës, PS përmbys rezultatin dhe merr 4 mandate deputetësh

25 Dhjetor, 22:12