Në trazirën që ka përfshirë Patinë Demokratike pas përjashtimit nga grupi parlamentar, janë përfshirë disa grupe e interesa mjaft të ndryshme në lojë.
Përveç njerëzve besnikë të doktorit; me role kryesore, ndihmëse apo figurantë, ka një pjesë që janë aty për interesa më specifike.
Disa, si përshembull deputeti i Fierit i PD-së, Luan Baçi, duket se kërkon të rrisë pozitat e tij në qark ndaj Enkelejd Alibeajt, duke afruar fanatikët e Berishës, ose kërkon të ruajë rolin e tij duke mbajtur një qëndrim më afër Berishës, por pa “firmosur” si mbështetës i tij. Në mediat pranë ish-kryeministrit, Baçi e cilësoi debatin aktual në PD, si “një gjë normale që synon thjesht t’j japë një shkundje opozitës për ta forcuar atë”. Baçi, i cili u shpreh publikisht, përfaqëson atë grupin e njerëzve që nuk duan të anohen tani për zhvillimet; pra pro apo kundër Berishës. Ky grup pret që animin ta bëjë në fund, apo në kulmin e kësaj beteje. Ky mund të quhet grupi i “oportunistëve”.
Ndërkaq, është përfshirë në trazirë e nisur në PD, edhe grupi i kundërshtarëve të Lulzim Bashës, të cilat ai i largoi apo nuk i kandidoi për deputetë dhe strukturat drejtuese.
Bujar Nishani dhe Edith Harxhi janë përfaqësueset më të njohura të këtij grupi. Ata janë të përfshirë fort e shpresojnë se nga kjo trazirë, do të ketë zhvillime të forta që do të sjellin një përmbysje të madhe në parti, ku do të largohet Lulzim Basha dhe do të integrohen ata vetë.
Por ka një gjë këtu, së bashku në paketë, përveç largimit të Lulzim Bashës, ky grup ka edhe rikthimin e Sali Berishës në grupin parlamentar të PD-së. Që do të ishte një akt politik i qartë që bie ndesh me qeverinë e Shteteve të Bashkuara të Amerikës.
Ky grup ndoshta nuk dëshiron rikthimin e Berishës, por duke qenë se ata duan të largojnë Bashën, po e bëjnë këtë me ndihmën e doktorit, i cili nga ana tjetër kërkon si resto rehabilitimin e tij politik, pas telendisjes që i bënë amerikanët dhe vetë biri i tij politik-Lulzim Basha.
Ky qëllim, pra rikthimi i Sali Berishës, nuk mbahet i fshehtë si synim, por thuhet qartazi publikisht. Edith Harxhi, tha dje se “Sali Berisha do të rikthehet në grupin parlamentar të PD-së”.
Kështu, që kjo betejë, më shumë se për shkarkimin e Lulzim Bashës, apo “demokratizimin e PD-së”, është një lëvizje për të rikthyer Sali Berishën aty ku ka qenë pas degradimit nga amerikanët dhe Lulzim Basha.
Edhe nëse Berisha nuk merr post publik në PD, rikthimi në parti nëse ndodh, e bën atë edhe më të fortë se ishte për 8 vjet me Lulzim Bashën në hije të tij, ku gjithashtu ishte vendimtar për aktet e qëndrimet e opozitës shqiptare.
Ka një grup tjetër që përfaqësohet nga Fatbardh Kadilli, Arben Ristani, Fatos Hoxha, e të tjerë, që janë shumë më të qartë në qëndrimet e tyre politike. Edhe pse janë kundërshtarë politikë të Lulzim Bashës dhe kundërshtojnë të gjithë lidershipin e tij, e kanë kërkuar e kërkojnë ndryshime, ata nuk duan që PD të rikthehet një peng i Sali Berishës, që ky i fundit ta përdorë si mburojë politike në luftën me Amerikën.
Peshën në fund, në këtë betejë do ta kenë “oportunistët”, të cilët do të atashohen në kulmin e kësaj lufte.
Por, që politikisht beteja të marrë një sens edhe më të rëndësishëm politik, i takon kundërshtarëve të Bashës që nuk duan kthimin e Berishës, të bëhen më aktivë pa pasur nevojë që të mbrojnë Lulzim Bashën. Ndërsa ky i fundit, është i detyruar që të marrë edhe një vendim më të fortë se ai i pari që ishte jo i plotë për Sali Berishën, për tu bërë realisht një lider i plotësuar… TemA
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
