POP 5

Lajmet më të lexuara të 5 minutave të fundit

Opinion

Ylli Pata: Pse njerëzit pranë Berishës, kanë filluar një 'fushatë' kundër deputetëve të PD?

Ka disa ditë që qarkullojnë në rrjet materiale, ku ironizohen deputetë të PD-së, që u bashkuan me Sali Berishën, pasi mori vulën e partisë.

Berisha në mbledhje me grupin e PD

Ka disa ditë që qarkullojnë në rrjet materiale, ku ironizohen deputetë të PD-së, që u bashkuan me Sali Berishën, pasi mori vulën e partisë.

Më viralja ishte një video e vjetër e Jozefina Topallit ku sulmonte ashpër Agron Gjekmarkajt, të cilin e kishin montuar në një video tjetër të sikletshme, pasi po hante, e që nuk kishte lidhje me ngjarjen.

Po ashtu më pas doli një tjetër material në rrjet nga një media onlinë pranë klanit familjar të Berishës që sulmonte deputetin Dash Sula, duke përdorur një fjalor të ulët, sikur ai i lutej Doktorit për ta bërë deputet.

Të gjitha këto materiale, as nuk janë sponane, e as të rastësishme. Janë pjesë e një atmosphere politike, ku të paktën klanet shumë të afërta të Berishës, po nisin një fushatë denigruese.

Nëse Sali Berisha do mërzitet, apo është kundër kësaj fushate, vetëm me një deklaratë apo telefonatë, mund të bëjë që ato të hiqen nga rrjeti e të mos përsëriten më. Por sipas gjasave, e gjith është pjesë e një strategjie që duket po lineohet për zgjedhjet e ardhshme.

Synimi duket i qartë; “deputetët e Gaz Bardhit”, jo vetëm nuk duhet të pretendojnë, por as nuk duhet ta çojnë ndër mend që të jenë në vendet e sigurta në lista.

Maksimumi këtë privilegj mund ta kenë dy-apo tre vetë që kanë treguar më shumë zell për ta mbrojtur doktorin e sulmuar SPAK, kurse të tjerët do të presin nga “mëshira hyjnore”.

Dhe sulmi duket se ka në zjarr të përqëndruar, pasi Jozefina Topalli, ka qenë për disa kohë si e dërguara e Berishës në qarkun Lezhë, e përkatësisht në Kurbin, ku sot është caktuar Agron Gjekmarkaj.

Ndaj dhe “zjarri mik”, duket se nuk është shkrepur nga armë me qitje të largët, por një një “pushkë” aty afër. Pushkë, e cila në prag të zgjedhjeve lokale të vitit 2023 nuk ishte metaforë, por armë e vërtetë zjarri…/TemA

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Zgjedhjet e 9 shkurtit/ Sot fillon votimin mërgata e Kosovës

Zgjedhjet e 9 shkurtit/ Sot fillon votimin mërgata e Kosovës

9 Janar, 08:16