Nuk janë vetëm politikanët e PD-së që nuk dalin dot nga shkolla e vjetër, e të ”vetmen” mundësi kanë që të jenë një kopje politikisht gjenetike e Sali Berishës.
Të cilin, shumica e kanë pasur dhe e kanë idhull nga gjenerata e re. Ndërkaq, një pakicë që ka pasur një mendje një model tjetër, ka ngecur në variantet e vjetra të skeçeve të doktorit.
Të tillë janë, ose më mirë duket edhe politikanët e rinj opozitarë të së majtës, që e njesojnë veten të kundërtit e Sali Berishës.
Nëse shikon deklaratat e tyre pa i vendosur fytyrën apo emrin, ata janë të stilit tashmë të njohur të doktorit. Stili konsiston në një kulturë tashmë të stampuar në politikën shqiptare: kundërshtari është e keqja absolute dhe mbi të rëndojnë jo vetëm 7 mëkatet universale por edhe njëmijë të zeza të tjera.
Kjo është ana e përmbajtjes së fabulës opozitare, kurse edhe forma është e njëjtë, thuajse një fotokopje apo një variacion teme i shkollës 30 vjeçare.
Ka shumë akuza ndër vite ndaj Sali Berishës se ka qenë ai i cili nuk ka ushqyer, ndihmuar apo mbështetur, daljen e figurave të reja, të cilat janë të mbështetura, gjithsesi problemi mbetet pikërisht tek thelbi.
E për të mos folur teorikisht i rikthehemi historisë, e cila ka dhënë njëë model të rëndësishëm alternativ ndryshe, në historinë e opozitës shqiptare.
Ishte viti 2013, kur Sali Berisha dha dorëhqjen publikisht nga drejtimi i PD-së. Përtej të qarave të militantëv, njerëzit e brendshëm të Partisë Demokratike e dinin që në fillim se nuk kemi të bëjmë me një largim real. Por një tërheqje, duke ruajtur kontrollin e partisë dhe të gjithë levave politike, jashtë politike e të nëntokës së lidhur me politikën.
Por edhe pse dihej se ishte dorëheqje fake, Sokol Olldashi, guxoi, tentoi dhe u përgatit që të bëhej lideri i ri i opozitës shqiptare. Përveç garës, që siç rezultoi ishte një mision i pamundur, Olldashi, shpalosi një model krejt ndryshe nga Sali Berisha, lideri historik. Edhe pse nuk doli të ishte një anti-Berishë, në realitet ai u përplas në të gjitha aspektet me pushtetin, influencën, por edhe tentakulat e Sali Berishës në pushtetin e tij politik. Madje deri ditën që ndërroi jetë në aksidentin e tij fatal.
Në atë periudhë të shkurtër kohe, Sokol Olldashi pati aksione të hapura dhe jo të hapura, direkte dhe indirekte. Për të krijuar një lob politik që e mbështet, e që normalisht bën çdo aspirant për tu bërë udhëheqës. Sokol Olldashi krijoi një rrjet politik në strukturat e PD-së, një lob të tijin në grupin parlamentar, kupolën e Partisë, shoqërinë përreth etj etj, por ajo që ka mbetur dhe është ngulitur në memorie edhe arkiv, janë fjalimet e tij në Kuvend.
Ku Sokol Olldashi, me një gjuhë shpatë, të fortë e të hidhur, tregoi se kush është dhe çfarë mendon për të ardhmen e opozitës dhe vendit. Ata fjalime që herë pas here dalin në rrjet, bëhen virale jo duke u mbështetur nga ndonjë media apo bosst financiar, por krejt natyrshëm.
Sokol Olldashi, edhe pse i ri, nuk ishte një aguridhe në politikë, madje kishte bërë betejat e tij, ku më e rëndësishmja ishte ajo përballë Edi Ramës për kreun e bashkisë së Tiranës. Kishte qenë ministër e zyrtar, por mbi të gjitha kishte identitetin e tij parësor si gazetar i njohur në një audiencë jo vetëm tek e djathta në vend.
Olldashi nuk ishte një fotokopje, as klon, megjithëse kishte lidhje, miqësi apo lobe në të majtë e të djathtë, në media e shoqëri, në klasën e biznesmenëve apo edhe qarqet e të fortëve në vend.
Para Olldashit ishte Bamir Topi gjithashtu që tentoi të krijojë dualitetin me Sali Berishën në mënyrën më politike të mundshme. Ishte Astrit Patozi më pas në përmasa edhe më të vogla. Por secili nga këta të tre personazhe nuk ishin klone, nuk u identifikuar si fotokopje, edhe pse kanë pasur në periudha të ndryshme marrëdhënie të mira me Sali Berishën.
Krijimi i një profili lidershipi nuk është i lehtë, sidomos në kohën e sotme, kur polarizimi është më i tejskajshëm dhe modeli i Republikës bazohet mbi monarkinë e kryetarëve të partive. Megjithatë janë të gjitha mundësitë për të dalë në terren një personazh i ri që nuk ka nevojë që të kopjojë dike, apo të bëjë si ai, por të dalë me mendjen e idetë e tij.
Edhe kjo nuk është gjë e lehtë, pasi kërkon të lexosh shumë, e notat në shkollë t’i kesh marrë me të vërtetë. Pastaj mjafton fjalimi i parë që të tregosh brumin politik. Nëse ky fjalim rezulton një hartim patetik i klasës së gjashtë, me plagjatura retorikash të stërpërsëritura në Parlament a fjalime, natyrisht që nuk ngjit. Sidomos kur shikojnë se kemi të bëjmë me një kopje seriale të doktorit.../ Tema
Komente
Lajme të tjera
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
INTERVISTA/ Fehmi Abdiu: Ma riktheni Kushtetutën e 1998-s, arnat e shëmtuan
27 Nëntor, 16:52
Nuk eshte me as saliu as bradhi as lulka opozita. Opozita eshte Adriatik Lapa dhe beni mire ti referoheni ndonjehere , filloni priteni timonin nga pak se gjithe mllefi dhe dufi ndaj kesaj diktature monopartiake pspd do derdhet ne kutite e tij. Nuk mind ta genjeni perjetesisht kete popull
Përgjigju