YouTube "i merr doren" Xhensiles
Video fshihet nga kanali per shkelje!

Përse është fshirë video?!!! Këtë pyetje kanë ngritur ndjekësit e këngëtares së muzikës Pop Xhensila Myrtezaj e cila kish publikuar në faqen zyrtare në Facebook hitin e saj më të fundit “Ama dorën”…

“Baby i jemi jemi je, ama ama dorën vetëm mos m’le” , - shkruante në Facebook vargje nga kenga e saj, postim të cilit Xhensila i kishte bashkangjitur edhe videon e klipit…Por c’e do! Nuk ka kaluar shumë dhe klikimet e marra kanë ikur dëm, pasi  YouTube e ka fshirë videon për shkelje të rregullave të “forta” që ky kanal ka.





Miqtë virtual të këngëtares së re dhe bukuroshe kanë pasur dyshimet e tyre per arsyen e bllokimit te videos. Shumë prej tyre janë shprehur përmes komenteve se Myrtezaj mund të ketë tentuar të bëjë “manipulime” të vogla për të rritur numrin e klikimeve





….por përgjigjja ka ardhur nga vetë këngëtarja.

Ajo ka bërë një njoftim në Facebook ku thotë se video është bllokuar pasi është hakuar nga njërëz “dashamirës” sic ironizon aj, - dhe premton se së shpejti video do të rikthehet.

Njoftim. Persa i perket bllokimit te videos "Ama doren", ju njoftoj se eshte Hakuar nga njerez "DASHAMIRES",dhe se shpejti do te rikthehet. Nuk eshte rasti i pare qe ndodh. Flm per mirkuptimin. Miqesisht Xhensila.

Por edhe ky njoftim duket se nuk i ka mbushur mendjen fansave, ndaj këngëtarja ka “shkelur” zakonin e saj dhe i është përgjigjur edhe njëherë revoltës së ndjekësve të saj në rrjetin social

Nuk e kam zakon te kthej pergjigje personave, aq me teper atyre qe aludojne per gjera te tilla sic ato qe shkruani ju, nuk kam pasur kurre klikimet njesi matese te kengeve te mia e aq me teper te suksesit tim, pasi nuk jam kengetare klikimesh dhe as qe kam qene kurre e tille. Mund te shikoni dhe rremoni ku te doni dhe per cdo keng timen nese ka pasur qofte dhe nje klikim te pamerituar. Mgjt ne momentin qe kenga do te rikthehet se bashku me klikimet e saj, uroj qe pas kesaj te kuptoni se jo per cdo gje qe ndodh, do kete nje hile patjeter. Flm per mirkuptimin.

Nuk dimë se cfarë gabimi ka bërë këngëtarja, por ama një gjë është e sigurt: Youtube nuk është rrjet i “korruptueshëm” që mund t’i fshijë videot nëse vërtet nuk është bërë një shkelje e rregullave. 



Redaksia Online
(Shqiptarja.com)