Berisha i përgjigjet Yuri Kim, e akuzon se ka prona nga korrupsioni në Shqipëri: Ftoj DASH që të hetojë aferat e saj

Deklaratës së fortë të Yuri Kim që tha sot se shqiptarët nuk duhet ta votojnë Sali Berishën se kërkon t’i vërë zjarrin vendit, ish-Kryeministri i është përgjigjur me akuza. Berisha tha se me këtro akuza ajo kërkon të fshehë aferat e veta korruptive të denoncuara publikisht, por edhe afera të tjera.

“Përgjigje zj. Yuri Kim.  Të dashur miq, Guvernatorja Yuri Kim në përpjekje për një shërbim të fundit Edi Ramës, foli sot njëlloj sikur të fliste McGonigal me fustan. Por me deklaratën e saj për zjarre dhe zjarrëvënës, në të vërtetë ajo përpiqet të fshehë aferat e veta korruptive të denoncuara publikisht, por edhe afera të tjera.

LEXO EDHE:
‘BE sanksionoi Prishtinën për shkak të sjelljes së Kurtit’/ Eksperti në Report Tv: Serbia pret fitoren e Rusisë në Ukrainë për të aneksuar veriun e Kosovës

Ftoj inspektorin e përgjithshëm të Departamentit të Shtetit, FBI dhe Kongresin e SHBA të hetojë aferat korruptive të guvernatores Kim, përfshirë këtu pronat e saj në Shqipëri.  Partia Demokratike sikundër deri sot është e gatshme të japë kontributin e saj për këtë transparencë.

Partia Demokratike shton se kandidatët e saj nuk janë as të barit as të zjarrit, por janë kandidatët e votës së lirë.  Ajo fton çdo shqiptar të marrë ndryshimin në duart e tij për të shpëtuar vendin nga një e keqe që po zgjat më shumë se një dekadë! Bashkë Fitojmë”, ka shkruar Berisha në Facebook.

Lajmi kryesor:

Kim për Berishën: ‘Non grata-t’ duan t'i vënë zjarrin vendit, s'duhen votuar! SHBA i ka shpallur të korruptuar, ata premtojnë se do luftojnë korrupsionin

K.T./M.Q./Shqiptarja.com

TAG:
• SHBA
• zgjedhjet vendore 2023
• Berisha non grata nga Britania
• sali berisha
• Yuri Kim