Yuri Kim: Shqipëria tani plotëson kushtin për hapjen e negociatave për anëtarësimin në BE

Ambasadorja e SHBA, Yuri Kim, ka reaguar menjëherë pas emërimit nga ana e Presidentit të Republikës të gjyqtarit Përparim Kalo si anëtarin e gjashtë të Gjykatës Kushtetuese.

"Lajm i madh. Presidenti Meta ka dekretuar Përparim Kalon si gjyqtar të 6-të të Gjykatës Kushtetuese. Sapo Kalo të bëjë betimin nesër, do të ketë kuorum. Shqipëria do ta përmbyllë vitin 2020 me një Gjykatë Kushtetuese funksionale- pas gati 3 vitesh. Presidenti, KED dhe Parlamenti kanë një meritë të madhe! Ky ishte një veprim urgjent nga udhëheqësit, në përputhje me opinionin e Komisionit të Venecias. Me një Gjykata Kushtetuese funksionale, Shqipëria tani plotëson kushtin për hapjen e negociatave për anëtarësimin në BE. Ky është një hap gjigant përpara. Urime popullit të Shqipërisë! Le të vazhdojmë të ecim përpara", shkruan Kim në Twitter. 

LEXO EDHE:
Kryesia e Partisë së Lirisë miraton anëtarët për Kryesinë e Konventës (EMRAT)

 

Lajmi kryesor:

Pas 3 vitesh mungesë/ Nga sot Gjykata Kushtetuese funksionale, emërohet Përparim Kalo, anëtari i 6! Kim dhe Soreca: U plotësua kushti për hapjen e negociatave

K.T./E.M./Shqiptarja.com

TAG:
• gjykata kushtetuese
• KED
• Presidenca
• Ilir Meta
• Luigi Soreca
• Yuri Kim
• Peter Zingraf
• Aleksandër Toma
• Përparim Kalo