POP 5

Lajmet më të lexuara të 5 minutave të fundit

Politikë

Yuri Kim takim me Ramën në kryeministri/ Ambasada: SHBA do ndihmojë Shqipërinë të bëhet një aleate më e aftë e NATO-s (VIDEO)

Ambasadorja e SHBA në vendin tonë Yuri Kim ka zhvilluar mëngjesin e sotëm një takim me kryeministrin Edi Rama. Takimi vjen pak ditë pasi Kim mori detyrën e kryediplomates pak ditë më parë, duke pasuar në këtë post ish-ambasadorin Donald Lu.

TIRANE- Ambasadorja e SHBA në vendin tonë Yuri Kim ka zhvilluar mëngjesin e sotëm një takim me kryeministrin Edi Rama. Në takimin e zgjatur për rreth dy orë është folur mbi marrëdhënien mes dy vendeve si prioritet e përbashkët. Ambasada ka zbardhur detaje nga takimi mes Ramës dhe Yuri Kim. Ajo theksoi se Kim ka përvijuar prioritetet e SHBA për të ndihmuar Shqipërinë të bëhet aleate më e aftë e NATO-s, si dhe ka falenderuar Ramën për përpjekjet për të çuar para prioritet e përbashkëta të dy vendeve.

"Në vizitën e sotme prezantuese me Kryeministrin Rama, Ambasadorja e Shteteve të Bashkuara Yuri Kim pati mundësinë të përvijojë prioritetet e Shteteve të Bashkuara në Shqipëri: të ndihmojë Shqipërinë për tu bërë një aleate më e aftë në NATO dhe një bastion më i fortë sigurie; mbështetje për zhvillimin demokratik dhe sigurimin e zbatimit të duhur të reformave në drejtësi; dhe rritjen e mundësive të biznesit për shqiptarët dhe amerikanët. Ajo falenderoi Kryeministrin për përpjekjet e jashtëzakonshme të Shqipërisë në çuarjen përpara të prioriteteve tona të përbashkëta. SHBA qëndron krah Shqipërisë", njofton ambasada e SHBA", njoftim ambasada e SHBA.

Lidhur me takimin ka reaguar edhe kryeministri Edi Rama. "Takimi i mirëseardhjes së ambasadores amerikane Yuri Kim me fokus në prioritetet e përbashkëta si dy vende aleate. Koinçidencë e bukur mbledhja e mëpastajme e qeverisë, ku kaluam paketën AntiKÇK&Ligjin Special për masat pasurore ndaj krimit të organizuar", shkruan Rama.

Postimi ne twitter i kryeministrit Edi Rama

Një natë më parë Kim zhvilloi një kokteil në Tiranë duke bërë bashkë disa nga figurat politike në vend, mes tyre kryeparlamentarin Gramoz Ruçi, krydemokrati Lulzim Basha.

Gjatë fjalës së saj, Kim prezantoi tre prioritetet kryesore ku do të fokusohet puna e saj: ndihma për forcimin e aleancës me NATO-n, zhvillimi demokratik dhe rritja e investimeve të huaja. Por të tria këto, u shpreh ambasadorja kërkojnë që Shqipëria të çrrënjosë korrupsionin.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Burri i Kamala Harris: Nesër dua t’i them zemër je presidentja e Shteteve të Bashkuara

Burri i Kamala Harris: Nesër dua t’i them zemër je presidentja e Shteteve të Bashkuara

5 Nëntor, 21:43