Ndër garat primare që do të zhvillojë PD-ja më 4 dhjetor, gara e Tiranës duket më interesantia, ngaqë janë futur në të plot 7 kandidatë (në Elbasan është vetëm Luçiano Boçi, në Shkodër vetëm Bardh Spahia, në Durrës është praktikisht e sigurtë që do fitojë Igli Cara, në Korçë, Ledina Alolli, e kështu me rradhë).
Gara në Tiranë do të jetë e fortë, sepse 5 kandidatë janë të njohur gjerësisht në publik (për arsye politike, mediatike apo protestore). Sidoqoftë, dy politikanë karriere në këtë garë (Këlliçi e Bogdani), e fillojnë atë me një epërsi paraprake, për vetë mënyrën e organizimit të primareve të 4 dhjetorit.
Sipas rregullave të publikuara për primaret e PD-së, në listat e votuesve të primareve do të jenë antarë dhe simpatizantë të seksioneve të ndryshme të PD-së nëpër territorin e bashkisë. Kryesia e çdo seksioni do ta hartojë listën e seksionit të vet me anëtarë dhe voues të rregullt të PD-së rreth tyre. Pra, nuk bëhet fjalë për një listë krejt të hapur për çdo qytetar që don të votojë në primare (sepse ashtu mund të hapet rruga për abuzim nga socialistë të kamufluar si simpatizantë të opozitës).
Në kushtet kur listat e votuesve të primareve janë nën kontrollin e kryetarëve të seksioneve të PD-së nëpër territor të bashkisë, kandidatët me karrierë të gjatë politike kanë epërsi paraprake, ngaqë ata kanë vite që punojnë në terren me kryetarët e seksioneve… Dhe kuptohet që Këlliçi ka epërsinë më të madhe në këtë drejtim, sepse Bogdani ka disa vite që është shkëputur nga puna në terren me seksionet e PD-së.
Duke presupozuar se Këlliçi do t’i fitojë primaret e PD-së në Tiranë (drejtpërdrejt me mbi 50% apo në balotazh me Alimehmetin), pyetja që mbetet është sa konkurues do të jetë ai përballë Veliajt më 14 maj. Sepse më 14 maj nuk mjafton vetëm përkrahja e seksioneve të PD-së…
Në zgjedhjet e vjetshme parlamentare, në territorin e Bashkisë Tiranë votuan plot 380 mijë zgjedhës. Ca prej tyre u ngatërruan me ato fletët e votimit të ndërlikuara si fjalëkryq (dhe u rezultuan fletët të pavlefshme), por statistikisht mund të abstragohet se vota të pavlefshme kanë dalë përpjesshmërisht në të dyja krahët në Tiranë.
Meqë votat e vlefshme vjet në territorin e bashkisë Tiranë u ndanë 52.8% për PS+PSD dhe 47.2% për partitë e ndryshme opozitare, mund të llogaritet që rreth 200 mijë tiranas kanë votuar vjet për mazhorancën dhe rreth 180 mijë për opozitën. Por kandidatët e majtë për kryebashkiakë të Tiranës kanë treguar në 22 vitet e fundit se marrin pothuaj po aq vota sa ka marrë koalicioni i tyre në zgjedhjet parlamentare paraardhëse. E kundërta nuk ka qenë gjithmonë e vërtetë…
Dhe kandidati i djathtë kësaj radhë (me shumë gjasa Këlliçi) do ta ketë edhe më të vështirë se më parë. Sepse ka gjasa të mëdha që PD-ja të futet e përçarë në garën e 14 majit. Do të duhen përpjekje titanike prej Këlliçit që të tërheqë drejt tij të gjithë ata që votuan vjet për partitë opozitare në territorin e Bashkisë Tiranë – dhe mundësisht të tërheqë edhe disa mijëra të tjerë…
Komente
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19
Nga 100% e zgjedhesve te Tiranes, vetem 50% jetojne ne Tirane. Te tjeret, jashte vendi dhe me zero mundesi te zgjedhin. Nga 50% qe ngelen, ose "100%", 32% jane te punesuar ne administrate qendrore e lolale, shtuar edhe 19% antaresia socialkomuniste dhe jo Belindi por as Belinda nese nuk do qe nen Rama nuk fiton. Shkurt, 27% e zgjedhesve te Tiranes zgjedhin nje te komanduar si qypi Veliaj ose kedo qyp qe kryeqypi Rama te caktoje.
Përgjigju