POP 5

Lajmet më të lexuara të 5 minutave të fundit

Kultura

Zana Çela dorëzon dosjen për të rikandiduar si drejtore e  “Operas”, Ministria e Kulturës shtyn aplikimin për të interesuarit deri në 6 maj

Drejtoresha aktuale e “Operas”, Zana Çela konfirmon për ‘Report Tv’ se ka dorëzuar dje, në limit të afatit të vendosur fillimisht nga Ministria e Kulturës, dosjen me platformën e saj për drejtor  të përgjithshëm. Po, mbrëmjen e djeshme, Ministria ka njoftuar shtyrjen e aplikimeve të hapura në 29 mars, deri në 6 maj

Zana Çela dorëzon dosjen për të rikandiduar si drejtore e  “Operas”, Ministria e Kulturës shtyn aplikimin për të interesuarit deri në 6 maj

Zana Çela

Të interesuarit që duan të paraqesin platformën e tyre si kandidatë për pozicionin e Drejtorit të Përgjithshëm të Teatrit Kombëtar të Operas, Baletit dhe Ansamblit Popillor, kanë më shumë se 2 javë kohë shtesë. Ministria e Kulturës, e ka shtyrë thirrjen e hapur për aplikim në 29 mars, deri në datën 6 maj.

Deri më tani ka konfirmuar kandidaturën e saj drejtorja aktuale Zana Çela, e cila ka pohuar për Report Tv ,se, ditën e djeshme, duke ju përmbajtur limitit të afatit të vendosur fillimisht nga Ministria e Kulturës për aplikimet, ka dorëzuar dosjen.

Çela është shprehur, se rikandidimi i saj, vjen pasi ka një projekt të nisur për zhvillimin funksional të institucionit, si dhe ka sqaruar se gjatë detyrës, është përpjekur që buxheti i mbajtjes së aktivitetit të krijonte pavarësi nga buxheti i shtetit, pavarësisht se në këtë të fundit, derdhen 70 për qind të fitimeve të institucionit.

Sa i përket aplikimeve të vakëta, paqartësi kanë shkaktuar tek personat që kanë pasur interes edhe deklaratat mediatike sa i përket kritereve preferencialë, për kandidatët që i favorizonte masteri shkencor në Shkenca Ekonomike apo Menaxhim Arti. Por, siç ka sqaruar Ministrja e Kulturës, Elva Margariti për televizionin, këtyre kandidatëve nuk do t’u jepej prioritet karshi platformës që mund të paraqiste një artist (që gjithashtu duhet të ketë një master shkencor por jo domosdoshmërish në degët e sipërpërmendura) apo një kandidat tjetër, tek të cilët janë një sërë kriteresh që do të vlerësohen përfshirë platformën që do të paraqesin.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56