POP 5

Lajmet më të lexuara të 5 minutave të fundit

Politikë

Zbardhen emrat, janë 360
“gardianët” e votave të PS dhe LSI

270 emra nga Partia Socialiste dhe 90 nga Lëvizja Socialiste për Integrim do të miratohen në mbledhjen e sotme të KQZ-së si administratorët e parë të procesit zgjedhor të 18 qershorit. 
270 emra nga Partia Socialiste dhe 90 nga Lëvizja Socialiste për Integrim do të miratohen në mbledhjen e sotme të KQZ-së si administratorët e parë të procesit zgjedhor të 18 qershorit.

Këto parti kanë depozituar emrat e 360 “gardianëve” të votave të tyre për tu përfaqësuar në Komisionet Zonale të Administrimit Zgjedhor. Për 90 KZAZ, LSI ka propozuar vetëm nga një emër për pozicionin e anëtarit, ndërsa PS ka depozituar nga tre emra për çdo KZAZ.

Këta njerëz janë të besuarit e partive respektive që do të mbrojnë votën e tyre në zgjedhjet e ardhshme parlamentare. “Komisioni Qendror i Zgjedhjeve ka caktuar partitë politike që kanë të drejtë të paraqesin propozime për anëtarë të  Komisioneve të Zonave të Administrimit Zgjedhor (KZAZ), që do të ngrihen për zgjedhjet për Kuvend të datës 18.06.2017.

Në bazë të përcaktimeve Partia Socialiste e Shqipërisë dhe Partia Demokratike do të paraqesin secila propozim për dy anëtarë të çdo KZAZ-ja. Lëvizja Socialiste për Integrim dhe Partia Republikane do të paraqesin secila propozim për një anëtar të çdo KZAZ-je. Anëtari i shtatë i KZAZ-ve me numër tek do të propozohet nga Partia Socialiste e Shqipërisë.

Anëtari i shtatë i KZAZ-ve me numër çift do të propozohet nga Partia Demokratike. Brenda afatit ligjor për paraqitjen e propozimeve, kanë paraqitur kandidaturat dhe dokumentacionin përkatës Partia Socialiste e Shqipërisë, dhe Lëvizja Socialiste për Integrim.

Partia Demokratike dhe Partia Republikane nuk kanë paraqitur asnjë propozim. Propozimet e paraqitura nga Lëvizja Socialiste për Integrim dhe Partia Socialiste janë në përputhje me kërkesat e kritereve gjinore”,-thuhet në relacionin e KQZ-së për vendimin e sotëm.


 (Propozimet e Partisë Socialiste për anëtarë të KZAZ-ve)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Të rinjtë në politikë, Nikola Kedhi: Qeverisja e Ramës më e keqja, Basha çoi PD vetëm në humbje! Kullolli: Zgjedhjet e 11 majit janë pikë kyçe për integrimin

Të rinjtë në politikë, Nikola Kedhi: Qeverisja e Ramës më e keqja, Basha çoi PD vetëm në humbje! Kullolli: Zgjedhjet e 11 majit janë pikë kyçe për integrimin

16 Janar, 19:18