Gjergj Cukali, i arrestuari i dytë nga policia e Tiranës për vrasjen e ish-policit Arben Bilali në 30 janar 2019, ka dalë para gjykatës së kryeqytetit, ku është njohur me masën e sigurisë “arrest në burg”. Gjatë përballjes me provat e prokurorit të çështjes Cukali ka qëndruar i qetë në sallën e gjyqit, duke pohuar se nuk ka asnjë lidhje me vrasjen e Bilalit, person të cilin as nuk e kishte takuar ndonjëherë dhe nuk kishte patur njohje me të.
Nga ana tjetër prokurori i çështjes ju drejtua gjykatës së Tiranës se duhet të caktonte masën e arrestit në burg për të arrestuarin Cukali, pasi sipas tij një analizë ADN-je pështyme, e kishte identifikuar si të dyshuarin kryesor në këtë vrasje. Prokurori i Tiranës i tha gjykatës se kampioni i pështymës së të arrestuarit Gjergj Cukali, është gjetur në një bidon uji plastik me mbishkrimin “Spring”, send ky që është sekuestruar në cilësinë e provës materiale brenda në makinën që vrasësit kanë përdorur për tu larguar dhe që është gjetur nga policia në Bathore.Më tej prokurori parashtroi se kampioni i pështymës i marrë në bidonin e ujit është analizuar më mostrat e pështymës së marrë ndaj Gjergj Cukalit, kur ky i fundit është shoqëruar një herë në vitin 2018 në policinë e Tiranës, pasi ishte larguar nga vendi që i kishte vendosur gjykata për të qëndruar.Rezultatet laboratorike të kryera nga policia shkencore kanë dalë të përafërta me pështymën që policia ka marrë në bidonin e ujit të sekuestruar në makinën e vrasësve me ato të mara Gjergj Cukalit.
Nisur nga kjo provë, oficerët e policisë së Tiranës kanë arrestuar në orët e para të mëngjesit Gjergj Cukalin, njeriun që njihet se ka shoqëri me Emiljano Shullazin, Arkimend Lushaj e persona të tjerë të botës së krimit. “Shqiptarja.com” mëson se arrestimi i Cukalit nuk është bërë me urdhër të prokurorisë por me vullnetin e Policisë, e cila është bazuar vetëm tek prova e vetme e ADN. Duke u bazuar tek kjo provë, prokurori i çështjes i kërkoi gjykatës që të caktonte masën e arrestit në burg për të arrestuarin. Nga ana tjetër avokati mbrojtës i Cukalit, Alban Bengasi, ka kundërshtuar ekspertizën e ADN së pështymës, duke pohuar se ajo ishte kryer në kundërshtim me procedurën ligjore. Avokati shtoi se makina është gjetur me vonesë nga policia në Bathore dhe para efektivëve të policisë, është provuar se brenda në makinë kishin hyrë banorë të zonës, të cilët jo qëllimisht kanë prishur provat. Njëherësh, avokati parashtroi në gjykatë, duke kërkuar një ekspertim të ri, duke i marë kampion pështyme të freskët Cukalit dhe ti nënshtrohet ekspertizës së rregullt. Me këtë kërkesë ishte dakort dhe prokurori i çështjes.
Në fund të seancës gjyqësore gjykata e Tiranës ka vendosur të lerë në qeli Gjergj Cukalin, ndaj të cilit tashmë është nisur një procedim penal për akuzën e “Vrasjes me paramendim” në dëm të ish-policit Arben Bilali. Bilali u qëllua me tre plumba në zonën e Selitës në kryeqytet. Bilali duket se ishte mbajtur nën mbikqyrje nga autorët të cilët qëlluan drejt tij për ta lënë të vdekur. Ai u qëllua në një rrugicë në shkollën "At Zef Pllumi" në Selitë, 900 metra larg vendit ku 9 vite më parë u ekzekutua vëllai i tij, Leonard Bilali, ish-mundës i Dinamos. Ndërkohë për vrasjen e Arben Bilalit në 2 maj 2019 policia e Tiranës arrestoi Arben Tirana (Xhetani), banues në Shkozë, i proceduar disa herë për vjedhje. Momentalisht Xhetani ndodhet në masën e “arrestit në burg”, të caktuar nga gjykata e Tiranës. Burime nga grupi hetimor thanë se identifikimi i tij është bërë pas analizimit të provave që u fiksuan në automjeti tip “Mercedez Benz CLS”, me ngjyrë blu të errët, që u gjet në afërsi të Mjull Bathores, pak orë pas ngjarjes.
Lajme të tjera
-
'Hakmarrja' e Martinajt pasi i eliminuan mikun Santiago Malko, i ofroi 600 mijë euro Gjergj Cukalit për kokën e 2 'ushtarëve' të Leonard Dukës!
20 Maj, 16:05 -
Megaoperacioni i SPAK, burg për 5 anëtarët e tjerë të grupeve kriminale: Nga Emiljano Shullazi te Gjergj Cukali! Në seancë SPAK u përfaqësua nga Altin Dumani
20 Maj, 11:16 -
Nga Kasandër Noga tek Gjergj Cukali, ja 50 emrat e plotë të operacionit të SPAK-ut
19 Maj, 22:50 -
Atentatet ndaj biznesmenëve Gjon Mena e Artion Bylyku, SPAK kërkon 25 vite burg për 'të fortin e Myslym Shyrit' Gjergj Cukalin
12 Prill, 11:36 -
Atentati ndaj Gjon Menës, GJKKO nis gjykimin! I penduari i drejtësisë: Cukali na premtoi 30 mijë euro për t’i vendosur tritol biznesmenit
19 Tetor 2022, 10:17
-
Tritol biznesmenëve Gjon Mena dhe Artion Bylyku, kanosje gjyqtarit dhe bazë armësh në mes të Tiranës! SPAK çon për gjykim të 'fortin' e Myslym Shyrit dhe 11 anëtarët e bandës të tij
13 Maj 2022, 16:39 -
Report TV siguron dosjen e operacionit 'Kompleks', dëshmia e të penduarit: Shënjestra e sulmit me eksploziv ishte Domart Konjari, por në makinë u ndodh i kunati
4 Prill 2021, 15:32
-
U premtoi 30 mijë euro, por u dha vetëm 2 mijë! Kushërinjtë 'shesin' Gjergj Cukalin: Ai porositi tritolin ndaj biznesmenit Mena! Lihet në burg
26 Shkurt 2021, 09:58 -
I vunë tritol në makinë biznesmenit në Kamëz, arrestohen autorët! Mes tyre i forti i 'Myslim Shyrit' Gjergj Cukali, dyshohet si porositës i atentatit
24 Shkurt 2021, 18:58 -
Pezullohet hetimi për vrasjen e ish-policit Bilali, shpëtojnë Cukali, Xhabafti dhe Xhetani
8 Korrik 2020, 12:33
-
Vetëm 4 muaj në qeli, Apeli liroi Cukalin për vrasjen e policit...Si i ka shpëtuar drejtësisë për kokainën në Tiranë
11 Shkurt 2020, 12:33 -
OFL godet grupet kriminale në Tiranë, i kërkon të justifikojnë pasurinë Emiljano Shullazit dhe Gjergji Cukalit (VIDEO)
11 Shkurt 2020, 12:17
