Ekspertët e UEFA-s për monitorimin e zgjedhjeve në FSHF janë takuar mbrëmjen e së mërkurës me kryetarin e bashkisë së Tiranës, Erion Veliaj. Ky i fundit, në cilësinë e aksionarit të klubit Tirana (bashkia zotëron 34% të aksioneve), ka denoncuar gjatë javëve të fundit shkeljet e vazhdueshme që janë bërë në zgjedhjet e shoqatave rajonale, por edhe shkelje të tjera që kanë të bëjnë me ndryshimin e destinacionit të parave të akorduara nga FIFA si ndihmë gjatë pandemisë për futbollin shqiptar. Në takim mësohet se ka marrë pjesë edhe presidenti i FSHF-së, Armand Duka.
PRAPASKENAT
Veliaj fillimisht ka dëgjuar pretendimet e ekspertëve, të cilët kanë vënë në dukje ankesat që kanë marrë nga FSHF-ja për ndërhyrje nga palë të treta. Më pas, Veliaj ka renditur një mori shkeljesh që janë kryer nga funksionarët e FSHF-së dhe u ka paraqitur një raport të plotë për gjithçka që nuk ka funksionuar në procesin e përzgjedhjes së delegatëve.
Kryebashkiaku i Tiranës ka sqaruar ekspertët e UEFA-s për konfliktin e interesit që ka Duka në shumë raste, pasi shpesh nuk dihet se ku nisin interesat e futbollit shqiptar e ku përfundojnë ato të bizneseve të tij dhe të të tjerëve që e mbështesin atë, përfshirë këtu lidhjet me Digitalb, reklamat dhe stadiumet.
Ai ka vënë në dukje mungesën e gjykatës së arbitrazhit sportiv në Shqipëri (KAS), pengesë për krijimin e të cilit është bërë pikërisht FSHF-ja, e cila e ka çuar çështjen në Lozanë. Në diskutimet mes palëve Duka ka kërkuar që përkthimin ta kryejë një prej personave që e shoqëronin, por mësohet se Veliaj ka refuzuar.
“Ky që keni ju nuk është përkthyesi zyrtar i FSHF-së zotëri, ky është avokati juaj. Ju lutem, nëse doni të jemi korrekt me gjithçka, le të përkthejë ai që morët me Ceferinin. Unë jam shumë OK me anglishten, por meqë doni përkthyes, atëherë vendosuni ekspertëve të UEFA-s një përkthyes serioz, jo avokatin tuaj”, mësohet t’i ketë thënë Veliaj gjatë diskutimit Dukës.
Takimi është mbyllur me zotimin e ekspertëve të UEFA-s se do të marrin në konsideratë çdo detaj, ndërkohë nga ana tjetër Veliaj u ka premtuar se nuk do të ndalet derisa të ketë transparencë të plotë në FSHF dhe në futbollin shqiptar.
Lajme të tjera
-
U plagos gjatë përleshjes ku u vra Martin Cani, FSHF i ofron fizioterapi dhe trajtim të specializuar 14-vjeçarit: Do mbulohen të gjitha shpenzimet!
18 Dhjetor, 09:57 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Rikthehet Superliga Evropiane, UEFA dhe FIFA vihen në dijeni! Do quhet 'Unify League', detajet e kompeticionit
17 Dhjetor, 15:43 -
Nga 1 janari 2025 pensionistët do udhëtojnë me abone falas në Tiranë, ja cilët janë përfituesit dhe dokumentet e nevojshme
16 Dhjetor, 22:05 -
Pesë qytetarë betohen për shtetësinë shqiptare, Veliaj: Krenar që i bashkohen energjisë së jashtëzakonshme të Tiranës
16 Dhjetor, 18:08 -
E konfirmojnë në Itali, Juventusi futet në garë për Cristian Shpendin! Vëzhgues në disa ndeshje
16 Dhjetor, 17:02 -
Komiteti Ekzekutiv i UEFA-s mban mbledhjen e fundit për vitin 2024, të gjitha vendimet që u morën
16 Dhjetor, 15:20 -
Evropiani U-21 mes Shqipërisë dhe Serbisë, UEFA s'e shqyrton çështjen! Burime: Është shtyrë në shkurt
16 Dhjetor, 14:07
-
Esencë në REPORT TV, 42 kryetarët e Bashkisë së Tiranës, zgjedhjet, akuzat dhe historitë e tyre tragjikomike!
15 Dhjetor, 22:32
-
Superliga/ Teuta 'i fik dritat' Egnatias, i mposht 2-1 dhe i heq mundësinë e kreut! Skënderbeut 2-2 ndaj Bylis, Dinamo kryeson pas gjysmës së sezonit
15 Dhjetor, 18:48 -
Ikin dritat në stadiumin e Durrësit, Teuta - Egnatia ndërpritet për pesë minuta
15 Dhjetor, 17:20
