Zbardhet vendimi për masterat
Tarifat e reja dhe kuotat

Publikohen tarifat e masterit shkencor. Kështu për ata që do të zgjedhin të aplikojnë në një cikël studimi master shkencor, duhet të bëjnë gati edhe pagesën. Sipas vendimit të qeverisë, dega që kushton më lirë në master shkencor është ajo e Fizikës, tek fakulteti i Shkencave të Natyrës, i cili për të dy vitet e kohëzgjatjes së tij, ka një kosto prej 110 mijë lekësh. Ndërsa më i shtrenjti është ai i Akademisë së Rendit, i cili për të dy vitet e kohëzgjatjes së tij, kushton plot 272 mijë lekë të reja.

Pas tij vijnë masterat që organizon Universiteti i Sporteve me një tarifë prej 233 mijë lekësh të reja, dhe të tretët më të kushtueshëm janë masterat që organizon Qendra e Studimeve Albanologjike me një tarifë prej 227 mijë lekësh të reja. Kjo është tarifa që fituesit duhet të paguajnë për të dy vitet e kohëzgjatjes së tyre, dhe pagesat ndahen në gjysëm, për secilin vit akademik. Ndërkohë që aktualisht universitetet po kryejnë procedurën e regjistrimit të kandidatëve, të cilët kanë afat deri më datë 27 shtator 2013.

Tarifat e reja sot në Shqiptarja.com

Shkrimi u publikua sot (21.09.2013) në gazetën Shqiptarja.com (print)

Redaksia Online
(a.ç/shqiptarja.com)