LEZHË- Vetëm pak muaj pasi ju gjetën eshtrat të groposura në Fushë-Kuqe të Kurbinit, dhe 7 vite që nga zhdukja e tij, policia e Lezhës ka zbardhur vrasjen e 16-vjeçarit Mariglen Gjonajt. Kristian Cenaj, 30-vjeç është arrestuar si autor i dyshuar i vrasjes së adoleshentit 7 vite më parë. 30-vjeçari më 18 maj të vitit 2015, dyshohet se ka vrarë Mariglen Gjonajn, teksa po i vidhte, një orë dore të markës Rolex si dhe varësen e floririt, që i mituri kishte pasur me vete ditën e ngjarjes kur edhe është zhdukur.

Analizimi i tabulateve telefonike si dhe nëpërmjet marrjes së dëshmive e ballafaqimeve, çoi në zbulimin e autorit. Deri më tani Kristian Cenaj nuk e ka pranuar autorësinë e krimit, por prokuroria është e bindur se ai është autori.

Mariglen Gjonaj u zhduk në rrethana misterioze, 7 vite më parë më datë 18 maj 2015, ndërsa xhaxhai i tij bëri kallëzim në prokurori një ditë më vonë se kishte humbur çdo kontakt me nipin e tij.Prindërit shpreheshin se atë ditë i mituri ka pasur në dorë orë Rolex dhe disa bizhuteri që kapnin një vlerë prej 10 milionë lekëve të vjetra.

Lidhur me kallëzimin, prokuroria e Lezhës regjistroi procedimin për veprën penale "Rrëmbimi ose mbajtja e peng e personit" dhe më pas ja transferoi dosjen Prokurorisë së Krimeve të Rënda në Tiranë. 2 vite më parë prokuroria e Krimeve të Rënda pezulloi hetimet, kjo pasi nuk ishte bërë e mundur identifikimi i autorit të ngjarjes dhe dosja i kaloi sërish strukturave të hetimit në Lezhë.

Por pas gjetjes së eshtrave dhe mbetjeve kockore në prill të këtij viti në në afërsi të Hidrovorit, në fshatin Adriatik, dhe që u zbulua se u se i përkisnin Mariglen Gjonajt, prokuroria e Lezhës rifilloi hetimet.

Në zbardhjen e ngjarjes duke u përdorur metodat speciale të hetimit si dhe nëpërmejet marrjes së dëshmive, ballafaqimeve, si dhe analizës së tabulateve dhe qelizave telefonike, në interes të këtij hetimi, është bërë i mundur identifikimi i autorit, i cili është Kristian Cenaj, 30 vjeç, lindur në Mamurras dhe banues në Ferrë Trashë, Kurbin. Policia ka bërë të mundur ndalimin e 30-vjeçarit për veprën penale "Vjedhja me pasojë vdekjen”.

1665484117_cenaj.jpg

 

Autori Kristian Cenaj dhe viktima Maringlen Gjonaj

Rendit zhvillimet sipas orarit:
Ora 12:28
FOTO/ Kush është 30-vjeçari që vrau për një orë Rolex dhe varëse floriri 16-vjeçarin Mariglen Gjonaj

 

Report Tv ka siguruar foton e 30-vjeçarit Kristian Cenaj, i cili vrau për t’i vjedhur një orë Rolex dhe për një varëse floriri 7 vite më parë 16-vjeçarin Mariglen Gjonaj. Analizimi i tabulateve telefonike si dhe nëpërmejet marrjes së dëshmive e ballafaqimeve, çoi në zbulimin e autorit. Deri më tani Kristian Cenaj nuk e ka pranuar autorisinë e krimit, por prokuroria është e bindur se ai është autori. Cenaj, lindur në Mamurras dhe banues në Ferrë Trashë, Kurbin, është ndaluar ditën e djeshme nga policia e Lezhës.

M.Q./Shqiptarja.com