Koreografi do të kthehet në vendin e tij këtë jave, 20 vjet pasi ka shfaqur pjesën emblematike “Dasma” në vitin 1994, këtë radhë i shoqëruar nga disa personalitete të kulturës franceze si dhe një shpurë gazetarësh francezë të “Le Monde”, TV5, Radio France Internationale etj.
Ky fillim bashkëpunimi me nismën e Ministres së Kulturës, Mirela Kumbaro ka për qëllim forcimin e lidhjeve artistike ndërmjet Baletit Preljocaj dhe Teatrit të Operas dhe Baletit në Tiranë, jo vetëm në fushën artistike, por edhe në fushën e mësimdhënies.
Kompania Preljocaj do të zhvillojë edhe disa trajnime për kërcimtarë profesionistë në bashkëpunim me Shkollën e Baletit dhe qendra të ndryshme kërcimi.
TKOB dhe Kompania Preljocaj do të nënshkruajnë një marrëveshje bashkëpunimi për shkëmbime artistike të ndërsjellta.
Në projektin e parë të këtij bashkëpunimi, Angjelin Preljocaj në bashkëpunim me trupën e baletit shqiptar propozon dy pjesë me koreografi dhe regji të Angjelin Preljocaj në Teatrin Kombëtar të Operas dhe Baletit « La Stravaganza » dhe «Royaume Uni » .
Redaksia online
(ar.sh/Shqiptarja.com)
![](https://www.shqiptarja.com/template/img/sh_logo1.png)