Zbulohet testamenti i Mithat 
Frashërit për eshtrat në atdhe

Testamentin e tij, të 4 Prillit 1929, ku të gjithë pasurinë, librat, mobiljet, i falte për Institutin Albanologjik, që Shqipëria ende nuk e kishte, Mid’hat Frashëri (1880-1949), e përfundoi me këto fjali: “Nuk di ku do të vendoset Instituti, po, nëqoftëse goditet pakëz jashtë qytetit, do të donja varri im të jetë në një cep të kopshtit, më të mëngjër, duke hyrë nga porta e rrugës. Mbi këtë varr dua një copë gur të madh dhe një qiparis. Më duket sikur do të jem ruajtësi i Institutit, sikur do të marr edhe unë një pjesë pasjetore në gjallimin e tij”…. Mithat Frashëri është kolosi i fundit i Frashërllinjve... Në të vërehet figura e një demokrati të avancuar, diplomati dhe patrioti që kurrë nuk lejoji të shuhet çështja e Shqipërisë së dëmtuar dhe vetë u shua për çështjen Kombëtare… Ishte njeri i pajtimit, i dialogut, i mirëkuptimit ndërshqiptar. Rasti i problemit ‘veri jug” në shoqatën e Manastirit e qetësoi me një të shkuar në Manastir.