POP 5

Lajmet më të lexuara të 5 minutave të fundit

Politikë

Zbulohet vota e Austrisë për integrimin e Shqipërisë, ambasadori: Javë vendimtare

Austria do të votojë në favor të hapjes së negociatave mes Shqipërisë dhe Bashkimit Europian. Këtë e ka pohuar ambasadori austriak në Tiranë, i cili ka thënë se ja është e merituar hapja e negociatave të Shqipërisë me BE.
Zbulohet vota e Austrisë për integrimin e Shqipërisë, ambasadori: Javë vendimtare

Ambasadori i Austrisë në Tiranë, Johann Sattler

Austria do të votojë në favor të hapjes së negociatave mes Shqipërisë dhe Bashkimit Europian.

Ambasadori i Austrisë në Tiranë, Johann Sattler, deklaroi në një intervistë për Agjencinë Telegrafike Shqiptare se, “do të jetë një javë interesante, java tjetër në Bruksel. Është një votim vendimtar. Austria do të votojë në favor. Ne jemi në favor të hapjes së negociatave dhe mendoj se është e merituar”.

Por theksoi ai, kjo nuk do të thotë se Austria është e kënaqur me gjithçka që qeveria shqiptare ka bërë këto vite.

Do të thotë kjo se jemi të kënaqur me gjithçka që qeveria shqiptare ka bërë këto vite? Jo. Ka ende shumë fusha ku duam të shohim përparim. Por do të thotë kjo se është bërë mjaftueshëm për të votur ‘Pro’? Po, absolutisht! Ne mendojmë se Shqipëria i ka përmbushur kushtet. Ne mendojmë qartësisht se gota është më shumë se gjysëm plot. Kështu që mendoj se do të jetë një hap mjaft pozitiv, jo vetëm për Shqipërinë, por edhe për Maqedoninë, ku kemi parë zhvillime shumë pozitive javët e fundit, duke bërë që të themi ‘Po'.

Ambasadori i Austrisë në Tiranë, Johann Sattler

Në lidhje me integrimin e Ballkanit Perëndimor në BE, Sattler, theksoi se, “ne jemi qartësisht në favor të integrimit të Ballkanit Perëndimor në BE. Pra nuk ka hezitime, është një ‘Po’ e qartë”. Ai u shpreh se kjo është një situatë ku fitojnë të dyja palët.

Mendoj se është një gjë e mirë për të dyja palët. Është mirë për BE-në, sepse ky rajon i përket Europës politikisht, ekonomikisht, kulturalisht. Por është mirë gjithashtu edhe për rajonin. Është e domosdoshme dhe shumë mirë për Shqipërinë, pasi BE është nxitja më e mirë, që Shqipëria të vazhdojë në rrugën e reformave. Jam shumë i sigurtë, që pa BE-në, pa mundësinë për t’u bërë vend anëtar i BE-së, shumë reforma që janë bërë në Shqipëri dhe vende të tjera të rajonit këto vite, nuk do të kishin qenë të mundura. Pra është një situatë ku fitojnë të dyja palët (win-win). Është një fitore për Bashkimin Europian, por gjithashtu një fitore e qartë dhe për Shqipërinë.

Ambasadori i Austrisë në Tiranë, Johann Sattler

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54