‘Zelensky, i vetmuar’, Galdini: Lufta në Ukrainë do përfundojë shpejt! Rusia do të fitojë

 

Duke dhënë një ‘prognozë’ mbi atë që pritet të ndodhë në luftën mes Ukrainës dhe Rusisë, kreu i Lëvizjes së Re, Arian Galdini tha se duke marrë parasysh braktisjen që i është bërë Zelenskyt, lufta do të përfundojë shpejt në favor të Rusisë.

“Unë mendoj se kjo luftë do mbarojë shpejt. Vetmia e Zelenskyt tregon se Moska fatkeqësisht do ta fitojë këtë luftë. Problemi që ka Zelensky apo perëndimi është se do kemi një shtet disfunksional të mbetur, pasi Moska do ketë pushtuar rreth 30% të territorit. Do jetë një shtet që do kthehet një problem për BE-në. Kjo luftë tregon se do kemi një sfidë të madhe për BE-në”- tha Galdini.

LEXO EDHE:
Lufta në Ukrainë/ WSJ: Sipas inteligjencës amerikane Putin nuk ka lidhje me vdekjen e Navalnyt! Tajani thërret ambasadorin rus në Romë

I të njëjtës ide ishte edhe deputeti i PS, Petro Koçi i cili tha se nëse perëndimi nuk jep ndihmën e duhur për Ukrainën atëherë lufta është e humbur.

“Nëse perëndimi nuk arrin të japë ndihmën e duhur për Ukrainën, sfida është e humbur për të. Ajo e vetme e ka të vështirë. Nuk arrin të përballojë nëse nuk do ketë një ndihmë të rëndësishme me teknologji ushtarake”- argumentoi Koçi.

Lajmi kryesor:

Samiti në Tiranë për Ukrainën, Koçi: Shqipëria, qendër ekselence për bindjen euroatlantike! Gjunkshi: Vëmendja e gjithë botës, në kryeqytetin tonë

B.V/KT/Shqiptarja.com

TAG:
• Arian Galdini
• Xhemal Gjunkshi
• lufta ne ukraine
• samit per ukrainen ne tirane
• petro koçi
• repolitix
• zelensky ne tirane