Presidenti i Ukrainës, Volodymyr Zelensky thotë se e ka ftuar Papa Leone XIV që të vizitojë vendin e tij. Pas takimit me Atin e Shenjtë, Zelensky shkroi në rrjete sociale se vizita e tij do të shënonte një mbështetje të fortë për popullin në luftë. 

"E ftova Papën të vizitojë Ukrainën. Ky do të jetë një sinjal i fortë mbështetjeje për popullin tonë. Ukraina e vlerëson shumë gjithë mbështetjen e Papës Leo XIV dhe Selisë së Shenjtë, ndihmën e vazhdueshme humanitare dhe gatishmërinë për të zgjeruar praninë e misioneve humanitare.

E informova Papën për punën diplomatike me Shtetet e Bashkuara për të arritur paqen. Diskutuam përpjekjet e mëtejshme dhe ndërmjetësimin e Vatikanit për kthimin e fëmijëve tanë, të rrëmbyer nga Rusia", u shpreh ai. 


Lajmi kryesor:

Zelensky takim me Papën në Romë, do pritet dhe nga Meloni! Trump sulm Evropës: Udhëheqës të dobët, Kievi po përdor luftën për të shmangur zgjedhjet