Zgjedhja e presidentit të ri/ Ministrja për Sipërmarrjen: Kam propozuar dy gra shkodrane

Ministrja për Mbrojtjen e Sipërmarrjes dhe drejtuesja politike e PS Shkodër, Edona Bilali ka bërë me dije se ka propozuar dy gra shkodrane për president të ardhshëm por nuk i bën me dije emrat e tyre.

“Partia Demokratike dështoi që të sjellë kandidatura në 3 raundet e para dhe tashmë do jetë PS që në dy raundet e mbetura të përzgjedhë një president, që të jetë i gjithë shqiptarëve. Unë nuk do të bëj publik emrat por do të ndaj dy karakteristikat që kanë pasur kandidaturat e mia. Kam propozuar dy gra shkodrane të nderuara”, tha Bilali.

LEXO EDHE:
VIDEOLAJM/ Tirana si pikënisja e tureve turistike

Ndër të tjera bëri me dije se do të votojë çdo kandidaturë që do të marrë dakordësinë brenda PS sepse do të jetë figurë për të gjithë shqiptarët. Ministrja Bilali foli edhe për procesin e zgjedhjeve se kryetarëve të PS në qarkun Shkodër ku aktualisht po shqyrtohen dosjet e kandidatëve dhe tregoi kriteret që duhen plotësuar.

"Sot po bëjmë mbledhje ku po analizojmë kandidaturat. Procesi po zhvillohet në mënyrë transparente, kemi kritere me dëshmi të profilit të vetë kandidatit dhe arsim i lartë dhe një vit jetë politike në parti dhe 3 vite anëtar i PS. Këto janë njëra palë e kritereve dhe elementi tjetër duhet të jetë që të jetë rezident në bashkinë ku kandidon", tha Bilali.

Lajmi kryesor:

Socialistët zgjedhin gjeneralin Bajram Begaj si kandidat për presidentin e ri të vendit! Rama: Kryetar shteti që rrezaton mirësinë për Shqipërinë

A.M./Shqiptarja.com

TAG:
• zgjedhja e presidentit te ri
• edi rama
• PS
• taulant balla
• Bajram Begaj