POP 5

Lajmet më të lexuara të 5 minutave të fundit

Politikë

Zgjedhjet, 4 aleatë në listat fituese
të PD, rrezikon Kreshnik Spahiu

Pjesë e listave të PD-së mësohet se do jenë aleatët Fatmir Mediu, Vangjel Dule, Nard Ndoka dhe Dashamir Shehi. Mediu pritet të kandidojë në Qarkun e Fierit, Ndoka në Shkodër, Dule në Vlorë dhe Shehi në Tiranë.  VIDEO
Kryetari i Partisë Demokratike, Lulzim Basha, ka vendosur të përfshijë në listat shumëemërore të kandidatëve për deputetë, katër kryetarë të partive aleate.

Pjesë e listave fituese të PD-së mësohet se do jenë aleatët Fatmir Mediu kryetar i PR, Vangjel Dule i PBDNJ, Nard Ndoka i PDK dhe Dashamir Shehi kryetar i LZHK.
 
Mediu pritet të kandidojë në Qarkun e Fierit, Ndoka në Shkodër, Dule në Vlorë dhe Shehi në Tiranë.
 
Ndërkohë, kreu i PAA Agron Duka, një tjetër aleat i Bashës, mësohet se nuk do jetë pjesë e kësaj liste. Ai ka deklaruar edhe më herët se do kandidojë më vete në zgjedhjet e 25 qershorit, duke u shprehur i bindur se forca e tij politike do ta sigurojë një mandat deputeti.  
 
Jashtë listave fituese të Bashës rrezikojnë të mbeten dy aleatët e tij më të rinj, Kreshnik Spahiu i Aleancës Kuq e Zi si dhe Eduard Ndocaj i ardhur nga radhët e PS-së. Burime pranë PD-së pohojnë se ende nuk ka marrëveshje mes Bashës dhe Spahiut.
 
Ndërsa Eduard Ndocaj kërcënoi Bashën jo më larg se një ditë më parë se, nëse nuk do futej në listën fituese të PD-së, ai do të kandidonte i vetëm.
 
Aleatët e djathtë në listat e PD
 
Nard Ndoka- Qarku Shkodër
 
Dashamir Shehi- Qarku Tiranë
 
Vangjel Dule- Qarku Vlorë
 
Fatmir Mediu - Qarku Fier
 
Rrezikojnë të mbeten jashtë listave
 
Kreshnik Spahiu - Aleanca Kuq e Zi
 
Eduard Ndocaj - Partia Bashkimi Demokristian
 
PD dorëzon në KQZ kërkesë për t'u regjistruar në zgjedhje
Partia Demokratike ka dorëzuar kërkesën në Komisionin Qëndror të Zgjedhjeve për tu regjistruar si subjekt për zgjedhjet e 25 qershorit.  

PD kështu i drejton kërkesë KQZ-së të regjistrohet për zgjedhjet parlamentare por edhe ato të pjesshme në Kavajë, që do të zhvillohen të njëjtën ditë.  

Kërkesa e PD drejtuar KQZ-së vjen një muaj para zgjedhjeve, ndërkohë që pritet nga momenti në moment që Partia Demokratike publikojë listat e kandidatëve për deputet që selia blu do t’i prezantojë qytetarëve.

Redaksia Online
l.q/Shqiptarja.com

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident në Vlorë-Fier, makina përfundon në kanal, çifti i bashkëshortëve dërgohen me urgjencë në spital

Aksident në Vlorë-Fier, makina përfundon në kanal, çifti i bashkëshortëve dërgohen me urgjencë në spital

10 Janar, 10:15