Zgjedhjet e 14 majit/ Institucionet ‘i binden’ KQZ, mbi 100 aktivitete të raportuara nga bashkitë e qeveria prej 1 jave

Më shumë se 100 aktivitete publike janë raportuar nga qeveria, bashkitë dhe insitucionet e lidhura me ta në 1 javë, që prej hyrjes në fuqi të afatit 4 muaj para zgjedhjeve që ata duhet të raportojnë.

Numri më i madh i aktiviteteve, është nga bashkitë, rreth 60 të tilla, ku dominojnë ato në Tiranë, Durrës e Gramsh. 

Sipas raportimeve të publikuara në faqen e KQZ, rreth 25 aktivitete janë raportuar vetëm nga qeveria, shumica prej kryeministrisë, ministrisë së Arsimit, asaj për Rininë dhe Fëmijet si dhe për Marrëdhëniet me parlamentin.

Aktivitetet e tjera janë nga kryesisht nga autoriti i Mediave Audiovizive, Kadastra, por edhe Presidenca. (pritnscreen), që paraprakisht ka raportuar në KQZ aktivitetin që mbajti këtë të shtunë në shtëpinë ku u mbajt aktiviteti i Lushnjës.

Në KQZ janë regjistruar rreth 600 institucione dhe janë hapur 686 llogari të personalizuara për personat e ngarkuar për të raportuar.

Institucionet publike qendrore dhe vendore, si dhe agjencitë dhe ose ndërrmarrjet shtetërore kanë detyrimin të raportojnë në KQZ-së të gjitha veprimtaritë që planifikojnë të zhvillojnë në periudhën 4 muaj para datës së zgjedhjeve.

 

Nëse nuk e bëjnë një gjë të tillë, ata përballen me gjobë. Deri më tani, asnjë aktivitet nuk është ndaluar nga KQZ.

/LR/Shqiptarja.com

TAG:
• zgjedhjet vendore 2023
• kqz