Dekretimi i datës 6 mars nga Presidenti Ilir Meta, për mbajtjen e zgjedhjeve të pjesshme lokale në 6 bashkitë të cilat nuk kanë një kryetar, ishte temë diskutimi këtë mbrëmje në emisionin Repolitix të gazetarit Denis Minga në Report Tv. Gjithashtu u diskutua për përplasjet Berisha-Basha dhe sesi palët mund të garojnë në këto zgjedhje.
Ish-deputeti i PD, Azgan Haklaj deklaroi se Presidenti Ilir Meta është kthyer tek partia që ka themeluar dhe po i shërben LSI-së ndërsa theksoi se Grupi i Rithemelimit të Sali Berishës nuk i certifikon dot kandidatët e vet nën siglën e PD-së në KQZ. Sakaq, Haklaj u shpreh se Berisha do t'i bashkohet LSI-së.
“Nuk ka një betejë Basha-Berisha se PD e ka të zgjidhur problemin. Del me kandidatët e saj në KQZ. Partië e tjera të djathta do të përpiqen të luajnë për veten me Komisioni i Rithemelimit. Berisha do zgjedhë një formulë për të fshehur pjesëmarrjen dhe do gjejë një pol të tretë, LSI-në, edhe Agron Duka dhe më duket Ndoka kanë marrë një ofertë nga Berisha. Poli i tretë do jetë në funksion të LSI-së.”-tha Haklaj.
Pano Soko, nga ‘Nisma Thurje’ deklaroi se kryedemokrati Lulzim Basha është sot një ndër ekzekutorët e berishizmit së bashku me Ramën ndërsa për zgjedhjet e pjesshme të dekretuara për datën 6 mars, Soko theksoi se do të jetë një test për demokratët.
"Kjo garë do tregojë në mënyrë indirekte peshën e votës në parti, për të parë sa e ka peshën reale gjithësecili. Demoratët të dinë një pasqyrë për të parë, kë partia e tyre mbështet. Duhet ta zgjedhin vetë, 6 marsi është një test për demokratët."-tha Soko.
Gazetari Arsen Rusta, është i mendimit se lufta nuk është vetëm mes Bashës dhe Berishës, por Metës dhe Ramës ndërsa shtoi se s’duhet të harrojmë kryebashkiakun e Tiranës Erion Veliajn i cili ka edhe dy bashkitë më të rëndësishme të qarkut të Tiranës.
“Veliaj ka dy bashki të rëndësishme për të nxjerrë rezultat, Vorën dhe Rrogozhinën. Përplasja më e madhe historike e partive kryesore. Biznesi më i madh është në Vorë, nëse ka një bashki që politika do tentojë ta marrë, është Vora pasi ka të ardhura nga taksat e biznesit më të lartat në vend. Ai është kryetar për Tiranën. Ai është për qarkun, jo vetëm për Tiranën, por për të gjithë qarkun. ”-tha Rusta.
Ndërsa gazetari Flogert Muça deklaroi se në aspektin e ‘luftës’ politike që po ndodh sot në vend, beteja është vetëm mes Bashës dhe Berishës. Muça theksoi se kreu i PD, Lulzim Basha po përdor gjuhën e ish-kryeministrit me demokratët.
“Lufta mes të dyve. Basha nuk është shkëputur nga berishizmi. Ajo që ndodhi atë ditë në selinë e PD, blindimi, dalja në mënyrë tinzare duke goditur ata tregon se nuk janë të ndryshëm nga njëri-tjetri. Basha përdor gjuhën e Berishës me demokratët. Kur Berishës i del përballë thotë fjalën e fundit. Të njëjtën gjë po bën Basha, tha se nuk ja hedh poshtë vitet e bashkëpunimit me të, pse duhet të thotë fjalën e fundit, për të treguar se është si ai. Lëvizjet e tij janë tipike si të Sali Berishës.”-tha Muça.
Por ish-deputeti i PD, Azgan Haklaj, shprehet se PD ka dorëzuar në gjykatë ndryshimet statutore dhe me datë 15 jepet vendimi për ato ndryshime nga kuvendi i 17 korrikut.
"Berisha nuk priti vendimin e gjykatës, por erdhi për të pushtuar selinë e Partisë Demokratike. Nuk ka betejë Basha-Berisha. Berisha është i detyruar të shkojë me kandidatë të përbashkët me polin e tretë.”-tha Haklaj.
Ditën e djeshme, Presidenti Ilir Meta dekretoi 6 marsin si datën për mbajtjen e zgjedhjeve të pjesshme lokale në 6 bashki, ndërsa dhe Komisioni i Rithemelimit i ngritur nga Berisha deklaroi se do të futen në garë dhe se po punojnë për përzgjedhjen e kandidatëve.
Komente
Lajme të tjera
-
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur liroi sot shtetasin Berisha?
27 Nëntor, 17:24
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Dritan Hila: Më mirë rrugëve!
27 Nëntor, 15:18
-
Martin Leka: Saliu doli, alibia ra, Rama fërkon duart!
27 Nëntor, 14:51
Albanistani vendi i hajduterve .Nuk zute mend o albanistanas qe u viheni zharge ketyre plehrave se ju vodhen e ju vrane per 30vite me radhe
Përgjigju