POP 5

Lajmet më të lexuara të 5 minutave të fundit

Politikë

Zgjedhjet e Qershorit, KQZ:
Partia e Pensionistëve me PD

Mbledhja e djeshme e KQZ konfirmoi përfundimisht partitë që do të garojnë në zgjedhjet e 23 qershorit nën siglat e dy koalicioneve partiake.
TIRANE - Mbledhja e djeshme e KQZ konfirmoi përfundimisht partitë, që do të garojnë në zgjedhjet e 23 qershorit nën siglat e dy koalicioneve partiake.

Me 4 votat e anëtarëve të propozuar nga mazhoranca në këtë institucion u vendos që koalicioni i djathtë me emrin “Aleanca për Punësim, Mirëqënien dhe Integrim“, nga 26 parti që kishte të regjistruara tashmë do të ketë vetëm 25 parti që do të mbledhin votat për të djathtën.

Kjo, pas mosregjistrimit të Partisë Civile si subjekt zgjedhor. Ndërkohë që po me 4 votat e anëtarëve të KQZ, u miratua dhe projektvendimi tjetër i administratës së KQZ për regjistrimin e Aleancës për Shqipërinë Europiane.

Nga 40 parti që ishin regjistruar në fillim me këtë koalicion, tashmë do të jenë vetëm 37 prej tyre që do të garojnë në 23 qershorit, pas mosregjistrimit të 3 partive si subjektet zgjedhore në zgjedhje.

Janë pikërisht Partia Demokratike e Bashkimit Mysliman të Shqipërisë dhe Partia e Prosperitetit të Shqipërisë nuk janë të regjistruara si subjekte zgjedhor në KQZ, në zbatim të Kodit Zgjedhor, nenit 65, pika 1.

Partia e tretë që i iku koalicionit të majtë ishte Partia Bashkimi Popullor i Pensionistëve Shqiptar. Përfaqësuesi i kësaj partie kërkoi që të sqarohet vullneti i saj për të qenë pjesë e koalicionit të djathtë.

“Ne kemi shprehur vullnetin për të qenë pjesë e koalicionit që udhëheq PD. Kemi marrë vesh se në KQZ ka ardhur një kërkesë se ne paskemi bërë kërkesë për tu regjistruar me PS, por vullneti ynë është për tu udhëhequr nga PD”, deklaroi përfaqësuesi i PBPPSH.

Përfaqësuesi i pensionistave bëri me dije se kanë kontaktuar me kreun e PS-së, por ai nuk i ka dhënë siguri për votat e pensionistëve. “Nëqoftëse ti na i del zot votave tona, por Rama nuk ka pranuar të punojë me ne”, shtoi ai.

Ndërkohë që përfaqësuesi i ligjor i së majtës në KQZ, Gjonçaj repliko dje duke thënë se PS nuk e ka problem se i largohet kjo parti, duke llogaritur që ka plot 37 të tjera, teksa iu drejtua përfaqësuesit të pensionistëve se: “Ju keni firmosur një marrëveshje me ne, duhet t`i qëndroni korrekt asaj”.

Shkrimi u botua sot në gazetën Shqiptarja.com (print(05.05.2013)

Redkasia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lulzim Basha i bashkohet lutjeve për Kryepeshkopin Anastas Janullatos

Lulzim Basha i bashkohet lutjeve për Kryepeshkopin Anastas Janullatos

10 Janar, 21:11