POP 5

Lajmet më të lexuara të 5 minutave të fundit

Politikë

Zgjedhjet e qershorit,  KQZ miraton
sot listat e partive problematike

Komisioni Qendror i Zgjedhjeve bëri të ditur se dita e djeshme ishte afati përfundimtar për dorëzimin e listave të partive politike që janë kthyer për plotësim.
TIRANE - Komisioni Qendror i Zgjedhjeve bëri të ditur se dita e djeshme ishte afati përfundimtar për dorëzimin e listave të partive politike që janë kthyer për plotësim. Zëdhënësja e KQZ-së tha në një deklaratë për mediat se komisioni ka miratuar listat shumemërore të 50 partive, ndërsa ka kthyer për plotësim dokumentacioni listat e 16 partive politike.

“Kanë depozituar listat shumemërore 66 parti. Katër janë parti të cilat do të kandidojnë më vete në zgjedhje. KQZ verifikoi dokumentacionin e kandidimit për të gjitha partitë që kanë depozituar listat shumemërore.

Nga 66 parti rezulton se për 50 prej tyre KQZ ka vendosur miratimin e listave shumemërore. Për 16 prej tyre KQZ ka vendosur kthimin për plotësim të dokumentacionit. Afat përfundimtar për dorëzimin e dokumentacionit është data 13, që është dita e sotme.

Në mbështetje të nenit 73 të Kodit Zgjedhor afati përfundimtar për ridepozitimin e dokumentacionit të korrigjuar përfundon më datë 12.05.2013. Nisur nga fakti se data 12 është ditë e diel, afati i fundit për ridepozitimin e dokumentacionin e korrigjuar është data 13 Maj pra dita e sotme”, deklaroi zëdhënësja e KQZ-së.

Ndërkohë që sot pritet që të miratohen edhe listat shumëemërore të 14 partive. Bëhet fjalë për: Partia Social Punëtore, Partia Lëvizja Demokratike për Ndryshim, Partia Lidhja Demokristiane Shqiptare, Partia Uniteti Kombëtar, Partia Lëvizja Shqipëria e Re, Partia Ardhmëria Shqiptare, Partia Arbnore Kombëtare, Partia e Gjelbërt, Partia Komuniste, Partia Ligj dhe Drejtësi, Partia Konservatore, Partia Lëvizje për Drejtësi e Shqipëtarëv, Partia Pajtimi Kombëtar,Partia Bashkimi Popullor i Pensionistëve të Shqipërisë si dhe kandidatja e mbështetur nga Zgjedhësit, Laureta Gjoni.

Ndërkohë që po mbledhjen e sotme pritet që katër anëtarët e Komisionit Qendror të Zgjedhjeve të marrin në shqyrtim për miratimin e kërkesës së Shoqatës “Albania Life Quality Union” (ALQU), për vëzhgimin e zgjedhjeve për Kuvendit të datës 23 Qershor 2013.

Shkrimi u botua sot në gazetën Shqiptarja.com (print) 14.05.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03