POP 5

Lajmet më të lexuara të 5 minutave të fundit

Bota

Zgjedhjet në Kanada, Partia Liberale e Justin Trudeau fiton për të tretën herë

Partia Liberale e Justin Trudeau ka fituar për të tretën herë zgjedhjet në Kanada. Sikurse kishin paralajmëruar edhe sondazhet një ditë më parë, ai arriti të fitonte mandatin e kryeministrit, por pavarësisht fitores, liberalët nuk kanë mazhorancën dhe për këtë arsye do t’iu nevojitet ndihma e partive të tjera për të miratuar ligje të rëndësishme.

Kryeministri kanadez Justin Trudeau dhe partia e tij Liberale mundën të fitojnë zgjedhjet e parakohshme në vend, edhe pse ai nuk ia arriti qëllimit të tij për të siguruar një shumicë më të cilësuar qeverisëse.

Pas një gare 35-ditore, votuesit kanë folur dhe ata kanë zgjedhur me vendosmëri t'i përmbahen statusquo -së. Pas zgjedhjeve federale më të shtrenjta në historinë e Kanadasë, harta elektorale është kryesisht e pandryshuar. Edhe pse rezultatet paraprake tregojnë se Liberalët në fakt humbën tre vende në këto zgjedhje, në krahasim me zgjedhjet e 2019.

Kështu Trudeaut do t’i duhet të bëjë sërish koalicion që të mbajë pushtetin, një situatë kjo e ngjashme me zgjedhjet e vitit 2019.

Liberalët e Trudeau morën 157 mandate dhe Konservatorët siguruan po ashtu 121 vende.

Të majtët “Demokratët e Rinj” fituan 29 mandate, 5 më shumë se zgjedhjet e shkuara, ndërsa partia me seli në provincën Quebec “Bloc Quebecois” humbi 3 mandate nga 28 që pati marrë në vitin 2019.

“Ne të gjithë kemi punuar kaq shumë gjatë javëve të fundit dhe viteve të fundit. Dhe kemi arritur deri këtu. Le të mos harrojmë të kaluarën dhe ditët e errëta që kemi kaluar së bashku. Por le të shikojmë akoma drejt së ardhmes dhe gjithçka që ka për të ardhur dhe gjithçka që kemi akoma për të ndërtuar së bashku. Le të punojmë së bashku. Dhe le të kapim premtimin e një dite të re" u shpreh Trudeau në fjalimin e parë pas zgjedhjeve.

Trudeau e çoi vendin në zgjedhje të parakohshme pas kritikave të vazhdueshme nga konservatorët, kryesisht për programin e vaksinimit dhe emigracionit.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu