Ky ishte vendimi i marrë sot nga KQZ, ndërsa për regjistrimin e koalicioneve, është caktuar data 25 e këtij muaji, pra katër ditë pas regjistrimit të forcave politike.
"Partitë politike duhet të paraqesin kërkesën për regjistrim si subjekte zgjedhorë për zgjedhjet e pjesshme për Kryetarin e Bashkisë Kolonjë, jo më vonë se data 21 tetor 2016. Koalicionet zgjedhore duhet të paraqesin kërkesën për regjistrimin si subjekt zgjedhor për zgjedhjet e pjesshme për Kryetarin e Bashkisë Kolonjë, jo më vonë se data 25 tetor 2016", thuhet në vendimin e marrë sot nga KQZ.
Ndër për regjistrimin e kandidatëve të pavarur, afati përfundimtar për të dorëzuar dokumentet në KZAZ nr.73, është data 26 tetor.
Qytetarët e Kolonjës do të votojnë në 20 nëntor për të zgjedhur të parin e qytetit. Kolonja shkoi në zgjedhje të parakohshme pasi ish-kryetari i kësaj bashkie, Arben Malo, u nda nga jeta për shkaqe natyrale një muaj më parë.
Redaksia Online
l.q/Shqiptarja.com
![](https://www.shqiptarja.com/template/img/sh_logo1.png)