POP 5

Lajmet më të lexuara të 5 minutave të fundit

Kronikë

Zgjedhjet në Korçë, Prokuroria
nis hetimin për blerjen e votave

Prokuroria e Korçës ka nisur hetimet kryesisht për dhënie shpërblimi në votime për fitoren e kandidatit të koalicionit të majtë Sotiraq Filo në zgjedhjet e së dielës në Korçë.
PD: Të anulohen zgjedhjet në Korçë
Korçë, PS fitoi me 10 mijë vota diferencë
KORÇE-  Prokuroria e Korçës ka nisur hetimet kryesisht për dhënie shpërblimi në votime për fitoren e kandidatit të koalicionit  të majtë Sotiraq Filo në zgjedhjet e pjeshme vendore të 3 nëntorit 2013, në Korçë. 

"Prokuroria e Rrethit Gjyqësor Korçë ka regjistruar kryesisht procedimin penal për “dhënie shpërblimi dhe premtimeve”, pas pamjeve filmike të transmetuara ditën e hënë, dt. 04.11.2013 në emisionin “Fiks Fare” në televizionin Top Channel”, ku disa shtetas dyshohet se jepnin para në këmbim të votimit për zgjedhjen e kryetarit të Bashkisë Korçë."- thuhet në njoftimin për shtyp të Prokurorisë së Përgjithshme.

Në kuadër të këtij hetimi, Prokuroria e Rrethit Gjyqësor Korçë do të shfrytëzojë materialin e prezantuar gjatë emisionit, si edhe do të kryejë hetimet lidhur me personat e përfshirë në këtë veprimtari, të dyshuar si kundërvajtje penale.

Në bazë të nenit 328 të Kodit Penal, “ofrimi ose dhënia e të hollave apo të mirave materiale...për të votuar në një mënyrë të caktuar apo për të marrë pjesë ose jo në votime përbën kundërvajtje penale dhe dënohet me burgim nga gjashtë muaj gjer në dy vjet...”

Hetimet nisin  pasi Fiks Fare zbuloi abuzimet e Shtabit Elektoral të kandidatit të Partisë Socialiste në zgjedhjet e së dielës.  Edhe pse kjo forcë politike ishte favorite në fitoren në këtë qytet, për të thelluar më shumë fitoren anëtarë të shtabit elektoral të Filos, nën siglën e Rilindjes kanë paguar studentët që kanë ardhur nga Tirana për të votuar. Pas publikimi të videos, PD kërkoi anulimin e zgjedhjeve në Korçë.

(Redaksia online)
(sg/shqiptarja.com)

/Shqiptarja.com
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

SPAK, sfida tjetër me lavanderinë politike të mëkateve

SPAK, sfida tjetër me lavanderinë politike të mëkateve

7 Janar, 18:46 nga Lorenc Vangjeli