POP 5

Lajmet më të lexuara të 5 minutave të fundit

Kosova & Rajoni

Ende s'ka negociata për qeverinë e re në Kosovë/ Rrëzohen kërkesat e PDK-së e LDK-së për rinumërim të votave

Partitë fituese të zgjedhjeve në Kosovë Lëvizja Vetëvendosje dhe Lidhja Demokratike e Kosovës nuk kanë nisur ende negociatat për të formuar qeverinë. Deri tani nuk ka pasur asnjë deklaratë publike por nuk flitet as për takime informale mes dy forcave fituese të zgjedhjeve.

Paneli Zgjedhor për Ankesa dhe Parashtresa (PZAP) në Kosovë ka hedhur poshtë ankesat nga PDK-ja, LDK-ja e koalicioni Nisma-AKR-PD për rinumërim të të gjitha fletëvotimeve nga zgjedhjet e 6 tetorit. KQZ sot mbylli numërimin e votave për zgjedhjet e parakohshme parlamentare dhe ka nxjerrë rezultatet përfundimtare, ku Lëvizja Vetëvendosja ka dalë parti e parë me 25.49% kurse LDK është renditur e dyta me 24.83%, asnjëra nga këto dy parti ende nuk ka nisur negociatat për formimin e një koalicioni qeverisës, së paku jo publikisht.

LDK ka thënë se nuk do të ndërmarrë asnjë veprim pa publikimin e rezultateve përfundimtare nga KQZ-ja. Po sot, Lideri i Aleancës për Ardhmërinë e Kosovës Ramush Haradinaj gjatë një konference për shtyp tha se ai nuk do të kërkojë rinumërimin e votave dhe la të kuptohet se nuk do të bashkëqeverisë me Kurtin, madje e quajtur atë mashtrues në premtime. Ish kryeministri nuk la pa cekur dhe vazhdimin e negociatave me Serbinë dhe nuk fshehu as skepticizmin e tij karshi Shefit të diplomacisë europiane Josep Borrell duke thënë se do të ishte  gabim nëse ai e sheh vazhdimin e procesit të negociatave në varësi të pozicionit që mban Moska zyrtare apo ndonjë Moskë tjetër.

Lideri i vetëvendosje Albin Kurti, i projektuar si Kryeministri i ardhshëm i Kosovës është takuar me Ambasadorin amerikan në Kosovë ku në fokus ka qenë dialogu Kosovë-Serbi. Referuar njoftimit të dalë nga zyra e shtypit, bëhet e ditur se Kurti e ka informuar ambasadorin amerikan se negociatat me Serbinë do të nisin që javën e parë, nëse ai zgjidhet kryeministër. "Nuk duhet të vonohemi por s'kemi as pse nxitohemi e të bëjmë gabime që do na kushtojnë ", mësohet t'i ketë thënë Kurti- Kosnett, teksa ky i fundit ka vlerësuar procesin zgjedhor në Kosovë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46