Kryetari i Lidhjes Demokratike në Malin e Zi, Saubin Mehmeti nga Aleanca Shqiptare i bën thirrje të gjithë votuesve që të mos mungojnë në zgjedhjet e sotme në mënyrë që kërkesat dhe të drejtat e tyre të artikulohen edhe në parlament.
Në një intervistë për Report Tv me gazetarin Nertil Agalliu u shpreh se votat e shqiptarëve sulmohen nga të gjitha subjektet zgjedhore, sidomos nga Partia Demokratike e Socialistëve, e udhëhequr nga Millo Gjukanoviç.
“Unë shpresoj që në këto zgjedhje shqiptarët do të dinë të vlerësojnë rëndësinë dhe peshën e votës së tyre dhe do të votojnë listat shqiptare. Sot në Malin e Zi kemi 2 lista shqiptare por kemi për fat të keq edhe një subjekt i cili është vërtetë i rëndësishëm dhe nga pesha politike, historike por edhe nga pesha e numrit të votuesve e cila garon në kuadër të koalicionit të disa partive të tjera qytetare.
Kjo e vështirëson situatën e shqiptarëve në Malin e Zi sepse votat e shqiptarëve atakohen nga të gjitha subjektet, sidomos nga partia e ish presidentit Gjukanoviç, pra Partia Demokratike e Socialistëve. Kemi edhe një interes të jashtëzakonshëm të partisë Evropa Tani që ka arritur të depërtojë në votat shqiptare. Jemi të sulmuar nga të gjitha anët por shqiptarët janë të vetëdijshëm për përfaqësimin. Përfaqësuesit do të vijojnë të mbrojnë interesat e shqiptarëve si pakicë në Malin e Zi”, tha Mehmeti.
I pyetur përse nuk u bënë bashkë dy koalicionet e partive shqiptare Forumi Shqiptar me kryetarin e Komunës së Tuzit, Nik Gjeloshaj dhe Koalicioni i Aleancës Shqiptare me deputetin me përvojë Genci Nimanbegu, Mehmeti tha se nuk u arrit një marrëveshje.
“Ne si subjekti më i vjetër kemi kërkuar dhe insistuar që të mos vijnë deri te ndarja e partive të tjera por së paku të arrihet kur janë zgjedhje të rëndësisë së nivelit kombëtar, atëherë shqiptarët duhet të jenë të bashkuar. Kemi diskutuar për të dalë në një listë por me keqardhje s’kemi arritur një marrëveshje”, tha Mehmeti.
Ndër të tjera, Saubin Mehmeti tha se nga pjesëmarrje e deri tanishme vihet re interes për të votuar ndërsa pret që të gjithë votuesit shqiptar të mos mungojnë sepse bëhet fjalë për fatin e tyre në Malin e Zi.
Lajme të tjera
-
Një mesazh pozitiv nga Mali i Zi, ka shpërthyer një tifozllëk i madh në Tiranë pas zgjedhjeve
31 Gusht 2020, 21:08
-
Arrihet koalicioni anti-Gjukanovic: Mali i Zi pro Europës dhe në BE menjëherë
31 Gusht 2020, 20:47 -
Zgjedhjet në Malin e Zi, e paqartë se cila parti mund ta formojë qeverinë
31 Gusht 2020, 19:02 -
Opozita shpall fitoren në Malin e Zi! Numërohen mbi 82% të votave, rezultat i ngushtë mes partive/ Shqiptarët sigurojnë dy deputetë
30 Gusht 2020, 22:33 -
Përfundojnë zgjedhjet në Malin e Zi, mbyllet zyrtarisht votimi
30 Gusht 2020, 20:14 -
Zgjedhjet në Malin e Zi/ Deri në orën 17:00 kanë votuar 68% e popullsisë
30 Gusht 2020, 17:21 -
22 orë udhëtim për të votuar në Mal të Zi, modelja: Mburrem që jam shqiptare, të bashkohemi për besë, çohu rini
30 Gusht 2020, 16:09 -
Rritje e konsiderueshme pjesëmarrësish në zgjedhjet e Malit të Zi, autoritet ngrenë shqetësimin: Ruani distancën në qendrat e votimit
30 Gusht 2020, 14:08 -
Zgjdhjet në Malin Zi, voton edhe kryetari i Alternativës Shqiptare: Të drejtën time e ushtrova vetë i pesti
30 Gusht 2020, 10:40 -
Zgjedhjet në Malin e Zi, rritje e konsiderueshme e pjesmarrësve në orët e para
30 Gusht 2020, 10:23 -
Zgjedhjet në Malin e Zi, voton Nik Gjeloshaj: Qytetarë, dilni të ushtroni të drejtën tuaj
30 Gusht 2020, 10:07 -
Mali i Zi përgatitet për zgjedhjet parlamentare, partitë shqiptare në dy koalicione
29 Gusht 2020, 15:10
