Në zgjedhjet e Përgjithshme Parlamentare dhe Administrative në Serbi, shqiptarët e luginës së Preshevës deri tani kanë siguruar të paktën 3 vende në Parlament dhe shpresojnë edhe për të katërtin, kurse Partia Serbe e Përparimit (SNS), e Presidentit Aleksandër Vuçiç ka arritur një fitore dërrmuese në votimin e parë në Europë, pas heqjes së kufizimeve prej pandemisë.
Sipas televizionit publik serb, ndërsa deri tani janë numëruar 93.4% e votave, konservatorët në fuqi që nga viti 2012, janë fitues me 63.4%.
E përkthyer në numër mandatesh, SNS deri më tani ka siguruar 189 vende në parlament nga 250 të mundshëm, duke lënë pas me diferencë shumë të madhe partinë e Ministrit të Jashtëm Ivica Daçiç, e cila deri më tani ka arritur të sigurojë 32 mandate.
Partitë shqiptare këtë vit vendosën të bashkonin votat e tyre dhe të futeshin në zgjedhje nën një parti të vetme, e quajtur Alternativa Demokratike Shqiptare dhe do të jenë të përfaqësuar minimalisht me 3 deputetë.
Ndërsa mbeten shumë pak vota për t’u numëruar, Lugina e Bashkuar e Preshevës, që deri tani ka siguruar 1 për qind të votave, shpreson edhe për një tjetër vend në parlamentin serb.
Ditën e djeshme u thirrën për të votuar rreth 6 milion e 600 mijë votues dhe pjesëmarrja në zgjedhje ishte 48%, rreth 8% më e ulët se katër vjet më parë.
Suksesi i konservatorëve të Vuçiç ishte pothuajse i parashikueshëm, për shkak të bojkotimit që opozita radikale i bëri zgjedhjeve.
Vuçiç është njeriu që ka dominuar politikën serbe vitet e fundit, duke e çuar Serbinë drejt një afrimi të paqartë me Bashkimin Evropian, për shkak të lidhjeve të forta që ai mban me Rusinë dhe Kinën.
Analistët thonë se qeveria e re serbe do të përballet me trysninë në rritje të Bashkimit Evropian dhe Shteteve të Bashkuara për të njohur pavarësinë e Kosovës, gjë që shihet si thelbësore për qëndrueshmërinë rajonale.
Presidenti i Kosovës, Hashim Thaçi, ka mirëpritur rezultatin e shqiptarëve të Luginës së Preshevës në zgjedhjet parlamentare serbe.
Për herë të parë, partitë shqiptare dolën me një listë të përbashkët dhe falë kësaj, rezultatet tashmë janë shumë më të mira se që kanë qenë në të kaluarën.
Shqiptarët e Luginës së Preshevës, tashmë do të kenë katër përfaqësues në Parlamentin e Serbisë.
Pas këtij lajmi ka reaguar presidenti i Kosovës, Hashim Thaçi, i cili ka thënë se bashkimi i shqiptarëve në Luginë të Preshevës e ka dhënë rezultatin e tij.
Përmes një postimi në profilin e tij zyrtar në rrjetin social Facebook, Thaçi ka shkruar se Alternativa Demokratike Shqiptare është shembull i mirë për t’u ndjekur nga bashkëkombësit tanë kudo që jetojnë.
Postimi i plotë i Thaçit:
Bashkimi i shqiptarëve në Luginën e Preshevës e dha rezultatin e tij. Ata tashmë do të kenë më shumë deputetë që do ta ngrehin zërin për të drejtat e shqiptarëve atje.
Bashkërendimi i veprimeve politike jep gjithmonë rezultate dhe Alternativa Demokratike Shqiptare është shembull i mirë për t’u ndjekur nga bashkëkombësit tanë kudo që jetojnë.
Komente
Lajme të tjera
-
Serbi/ Shembet streha në stacionin e trenit në Novi Sad, 14 viktima (VIDEO)
1 Nëntor, 16:21 -
Ministri i Brendshëm serb Daçiç ia merr këngës, i këndon Erdoganit ‘Osman Agën’ (VIDEO)
14 Tetor, 18:15 -
Ministria e Jashtme e Kosovës e konfirmon, një shtetas i Kosovës u ndalua nga autoritetet serbe në kufi me Hungarinë! Daçiç: U arrestua një kriminel lufte
12 Tetor, 22:19 -
Pasi la Tiranën, Erdogan zbret në Beograd, pritet nga homologu Vuçiç! Analistët: Mund të firmosen dhe marrëveshje ushtarake armatimi
10 Tetor, 21:45 -
Kuvendi i paguan nga 35 mijë lekë në muaj qiranë në Tiranë 19 deputetëve! Kryesojnë më “pasivët” në seanca
14 Shtator, 14:49
-
Tensione në Veri, Vuçiç mund të urdhërojë pushtimin e Kosovës? Gazetari Isufi për REPORT TV: U kapën shuma të mëdha parash në Leposaviç, ka grafitë dhe pamflete në Zubin Potok
13 Shtator, 14:30 -
FOTOT/ Mbizotërojnë ngjyrat e çelëta, deputetët ‘paradë’ në nisje të sesionit të ri parlamentar
2 Shtator, 19:11 -
Serbi/ Merr flakë banesa, gjashtë të vdekur, mes tyre 4 fëmijë të mitur
23 Gusht, 10:44 -
Serbia kërkon ekstradimin e ish-pjesëtarit të UÇK-së Blerim Ramadani
25 Korrik, 16:11 -
Autoritetet e Serbisë në kërkim të shtetasit të Kosovës për vrasjen e policit, Kurti bën thirrje për mospolitizim
18 Korrik, 08:53 -
Serbia arreston një person të dyshuar për 'krime lufte' në Kosovë më 1999
3 Korrik, 19:34 -
Serbia urdhëron “të ndërpritet” festivali “Mirëdita, dobar dan”
27 Qershor, 16:19
Hashim Vuçiçi e arrati wëllimin që ta zbraz Medvegjen nga shqiptarët e tani del e shet pallavra ....
Përgjigju