Simpatizantët e Lëvizjes Socialiste për Integrim në Vorë edhe gjatë ditës sotme e kanë vijuar protestën kundër rezultatit të zgjedhjeve lokale të 21 qershorit në këtë njësi vendore që shpalli fitues Fiqiri Ismailin, kandidatin e Partisë Demokratike, i cili fitoi në këtë zonë mandatin e tretë radhazi.

Në një prej kutive në Qendrat e votimit në këtë njësi vendore dolën vota më shumë se sa numri i votuesve në lista, e duke marrë shkas nga kjo mbështetësit e Lëvizjes Socialiste për Integrim në Vorë pretendojnë se kemi të bëjmë me manipulim të votave.