POP 5

Lajmet më të lexuara të 5 minutave të fundit

Kronikë

Mbyllet votimi, Fatmir Braka rizgjidhet kreu i Dhomës së Avokatisë Tiranë

Fatmir Braka është rizgjedhur sërish në krye të Dhomës së Avokatisë Tiranë. Votimi për kryetarin e Dhomës së Avokatisë nisi që prej orës 08:00 të mëngjesit në ambientet e Muzeut Kombëtar, ndërsa votimi u mbyll në 18:00.

TIRANË- Fatmir Braka është rizgjedhur sërish në krye të Dhomës së Avokatisë Tiranë. Votimi për kryetarin e Dhomës së Avokatisë nisi që prej orës 08:00 të mëngjesit në ambientet e Muzeut Kombëtar, ndërsa votimi u mbyll në 18:00.

Në garë për kreun e Dhomës së Avokatisë ishin Fatmir Braka, Ledio Braho, Saimir Vishaj dhe Edmond Petraj. Braka ka arritur të marrë 397 vota nga kolegët e tij, ndërkohë Braho 286, Visha 100 dhe Petraj 13 vota.  Të drejtë vote kishin avokatët që janë të pajisur me kartën e anëtarësisë të vitit 2022 dhe nipt.

Kush është avokat Fatmir BRAKA

Braka është një ndër avokatët më të njohur në kryeqytet. Ai së bashku me disa avokatë të tjerë të njohur në Tiranës, kanë hapur studion ligjore “BRAKA PARTNERS & ASSOCIATES”.

Av. Fatmir Braka është i specializuar në të Drejtën Penale dhe në të Drejtën e Sportit dhe Medias, si për këshillimin e klientëve ashtu edhe për përfaqësimin e tyre në gjykatë, përfshirë edhe në kontekstin e transaksioneve ndërkombëtare. Ai gjithashtu merret me çështje gjyqësore tregtare, bankare dhe financiare. Ai këshillon kryesisht institucionet financiare, individë të profilit të lartë si dhe grupe industriale dhe ofrues shërbimesh shqiptare dhe të huaja.

I pranuar në Avokatinë e Tiranës që nga viti 1992, ai është një autoritet i spikatur në çështjet penale. Ai themeloi firmën e tij pas më shumë se pesëmbëdhjetë vjet praktikë të suksesshme juridike fillimisht si Hetues, Gjyqtar dhe më pas si Prokuror dhe ka shërbyer si Pedagog i të Drejtës Penale në Shkollën e Lartë të Magjistraturës në Tiranë. Prej vitit 2001 Fatmir Braka është Kryetar i Dhomës së Avokatëve të Tiranës dhe anëtar i Komitetit Shqiptar të Helsinkit. Nga viti 2012 është edhe Kryetar i Komisionit të Etikës në Federatën Shqiptare të Futbollit. Fatmir Braka kontribuon periodikisht për Fletoren Zyrtare të Avokatëve dhe është bashkëautor i Kodit të Etikës së Avokatëve.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aliu: 26/03/2022 21:21

    Ky eshte babai i te gjjthe te zezave ne sistemin e drejtesise. Sekseri numer 1, per ceshtje te nivelit te larte. Kontribuon gjeresisht me fijet e veta ne cdo shkalle gjykate e prokurorie, per manipulimin e provave, terheqjen e deshmitareve duke i paguar me shuma marramendese.

    Përgjigju
    • Kadiu: 26/03/2022 23:19

      Do kesh humbur ndonje gjyq o Ali Kadiu dhe nuk te del e keqja. Sa mire i dike gjerat, pse nuk i denoncon? I paske numeruar dhe parate. S’te vjen turp qe shkruan portaleve per nje nga profesionistet me te mire.

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Maqedoni e Veriut/ Numërohen kutitë e para, kandidatja e VMRO-DPMNE udhëheq bindshëm

Maqedoni e Veriut/ Numërohen kutitë e para, kandidatja e VMRO-DPMNE udhëheq bindshëm

24 Prill, 21:10