TIRANE - Numërimi i votave për zgjedhjet vendore do të bëhet sërish në mënyrë manuale. Në buxhetin vjetor për zgjedhjet vendore të vitit 2015 është parashikuar një fond prej 600 milion lekësh të cilat do t’i vihen në dispozicion Komisionit Qendror të Zgjedhjeve për të organizuar të gjithë procesin zgjedhor. Por në këtë zë të shpenzimeve të buxhetit vjetor për KQZ nuk është parashikuar asnjë shtesë fondi për përvetësimin e aparaturave të cilat do të bëjnë të mundur leximin e votës në mënyrë elektronike si edhe identifikimin e zgjedhësve në mënyrë elektronike.