POP 5

Lajmet më të lexuara të 5 minutave të fundit

Politikë

Zgjedhjet vendore në Shqipëri, krahasim i pjesëmarrjes ndër vite! Më e larta në 1992 me 70%, më e ulëta në 2019, votuan vetëm 20% e zgjedhësve

Nga historiku i proceseve zgjedhore të zhvilluara në vendin tonë, pjesëmarrja më e lartë e qytetarëve shqiptarë në votime është shënuar në vitin 1992, ku kanë marrë pjesë 70% e votuesve më të drejtë vote. Rekordi i pjesëmarrjes më të ulët ishte në zgjedhjet lokale të 2019 me vetëm 22% të votuesve. Statistikat tregojnë se vitet e fundit numri i pjesëmarrësve në zgjedhje ka ardhur duke u ulur.

Këtë të diel vuloset fati i drejtuesve të rinj për 61 bashkitë e vendit. Të gjitha forcat politike, disa prej tyre në koalicion e të tjera në garë individuale, kanë zhvilluar sondazhe dhe janë bërë llogarit e tyre mbi kapacitetin e  mundshëm të fitimit, jo vetëm për zgjedhjen e kandidatëve për kryebashkiakë, por edhe të këshilltarëve bashkiakë, të cilët zgjidhen mbi bazën e proporcionalitetit ose ndryshe të votave që zgjedhësit hedhin për subjektet politike.

Por si është paraqitur në zgjedhjet e kaluara gara mes dy partive më të mëdha në vend PS-PD në zgjedhjet vendore? Që nga viti 1992 e deri në vitin 2019, zgjedhjet vendore kanë patur kryesisht dominancë socialiste. Afro 3 milionë 600 mijë zgjedhës kanë preferuar të votojnë partinë socialiste që  nga hera e parë që janë zhvilluar zgjedhje vendore, ndërsa 3 milionë e 50 mijë kanë qene blu.

Sipas statistikave nga viti në vit numri i votuesve është në rënie. Për PS, në proporcional, vetëm në vitin 1992, 2000 dhe në vitin 2019, kanë votuar mbi 500 mijë zgjedhës, ndëra zgjedhjet  lokale të 2019-s janë bojkotuar nga partitë e opozitare.

Partia Demokratike rezultatin më të mirë në proporcional e ka pasur në vitin 1992 dhe 1996, ndërsa në disa zgjedhje të tjera nuk e ka kauar shifren e 400 mijë votave. Lëvizja Socialiste për Integrim, (sot Partia e Lirisë) konkurroi për herë të parë më 2007, ndërsa Fryma e Re Demokratike më 2015. Në Shqipëri zgjedhjet lokale zhvillohen në të njëjtën ditë në nivel kombëtar. Nga mënyra sesi zhvillohet fushata elektorale dhe organizimi i tyre, zgjedhjet lokale ngjasojnë më së shumti me zgjedhjet politike parlamentare

Ndryshe nga zgjedhjet parlamentare, diferenca ekziston edhe në zgjedhjet vendore. Pjesëmarrja më e lartë është shënuar më 1992 ku në votim kanë marrë pjesë afro 70% e votuesve, ndërsa rekordi më i ulët është shënuar në vitin 2019 me afro  22%.( kohë në të cilën morën pjesë vetëm votuesit socialist,)  Ndërsa në zgjedhjet e tjera, shifrat e pjesëmarrjes së votuesve kanë patur një mesatare 45% dhe 50%.

Megjithëse thirrjet për pjesëmarrje në votime në këtë garë vendore janë të shumta nga subjektet zgjedhore dhe diplomatët ndërkombëtarë, ende nuk dihet sa do të arrijë përqindja maksimale e qytetarëve që do të marrin pjesë në procesin zgjedhor në rang kombëtar.

Partia Socialiste ka zgjedhur të vijë ndryshe në këtë fushatë elektorale, ku fokusi i saj nuk janë tubimet masive me flamujt dhe element të tjerë organizativ, por mbjellja e pemëve të reja në cdo bashki të vendit.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu